बिराटनगर , ९ भदौ । कोशी प्रदेश सरकारको सहयोगमा कोशी प्रदेशका १ हजार २२७ जना पत्रकारको दुर्घटना बीमा कार्यक्रम सुरु गरिएको छ।‘सुरक्षित पत्रकार, निर्भीक पत्रकारिता’ भन्ने मूल नाराका साथ नेपाल पत्रकार महासंघ कोशी प्रदेशले कार्यक्रम सञ्चालन गरेको हो।
कार्यक्रमको कोशी प्रदेशका मुख्यमन्त्री हिक्मतकुमार कार्कीले उद्घाटन गर्नुभयो। पत्रकारको पेशागत सुरक्षा र जोखिम न्यूनीकरणमा सहयोग पु¥याउने उद्देश्यले दुर्घटना बीमा कार्यक्रम सञ्चालन गरिएको नेपाल पत्रकार महासंघ कोशीले जनाएको छ।कार्यक्रम मार्फत प्रदेशका पत्रकारलाई सुरक्षित र निर्भीक भएर पत्रकारिता गर्ने वातावरण निर्माणमा सहयोग पुग्ने अपेक्षा गरिएको छ।
