Search
Close this search box.
"नामको चर्चा"

शेरधन राईले साढे ३ वर्षमा नाम राख्न नसकेको काम आचार्यले ३ दिन भित्रैमा गर्ने संकेत

 

दमक/
प्रदेश १ मा सत्ता परिवर्तन भएको छ । मुख्यमन्त्री मात्र होईन अन्य मन्त्रालयमा सुरु देखीनै मन्त्री बनेकाहरुपनि फेरिएका छन् । एमाले विभाजनको असर प्रदेश १ मा नपरोस , एमालेकै नेतृत्वमा सरकार बनिरहोस भन्नका लागि सरकारको नेतृत्व र मन्त्री परिषद पनि फेरिएको भनेर एमालेका नेताहरुले बताएका छन् ।

बिहिबार मुख्यमन्त्री बन्दै गर्दा नवनियूक्त मुख्यमन्त्री भीम आचार्यले तत्कालै मन्त्री परिषद विस्तार गरेर प्रदेशको नामाकरण पनि टुंग्याउने संकेत गर्नु भएको थियो ।

यस अघिका मुख्यमन्त्री शेरधन राईले बिना विवाद सर्वपक्षीय र सर्वमान्य नाम राख्न आफुले प्रयास गरेको तर सहमती जुट्न नसकेका कारण नाम दिन नसकेको आफैलाई दुःख लागेको भनेर प्रतिकृया पनि दिनु भएको थियो ।

राईले साढे ३ वर्ष सम्ममा नसकेको काम आचार्यले ३ दिन भीत्रै गर्ने गरिको संकेत गर्नु भएको थियो । यसका लागि आफ्नो दलभित्र सहमति भइसकेको उहाँको दावि छ । केहि दिनभित्रै दल र सरकरको तर्फबाट नाम सार्वजनिक हुने उहाँले आस्वासन दिनु भएको छ । र संसद सञ्चालन भएपछि आफुले विस्वासको मत पाउने वित्तीकै नामको विषय पनि टुंग्याउने उहाँले बताउनु भएको छ ।

संसदमा आफुलाई विस्वासको मत दिने सांसदहरुकै समर्थनमा प्रदेशको पनि नाम आउने उहाँले विस्वास व्यक्त गर्नु भएको छ । उसो भए प्रदेशको नाम के राख्ने त भन्नेबारेमा उहाँले अहिले खुलाउनु भएको छैन ।

२ जना नयाँ मन्त्री बने
बिहिबार मन्त्री परिषद विस्तार गर्न निकै सकसमा पर्नु भएका मुख्यमन्त्री आचार्यले अन्तःत २ जनालाई सरकारको सहयात्रीमा लिनु भएको छ ।
सामाजिक विकास मन्त्रीका रुपमा ताप्लेजुङका बलबहादुर सांसुहाङ र उद्योग पर्यटन तथा वातावरण मन्त्रीका रुपमा तेह्रथुमका लछुमन तिवारीलाई पहिलो पटक आफ्नो सरकारको सारथीका रुपमा चयन गर्नु भएको छ । उहाँहरुको शुक्रबार नै प्रदेश प्रमुखको कार्यालयमा सपथ ग्रहण पनि भएको छ ।

अहिले प्रदेश १ को सरकारमा रहेका मुख्यमन्त्री र २ जनानै मन्त्रीहरु यसअघि माधव कुमार नेपालको पक्षमा उभीनुभएको थियो । तर नेपालले संसदमा नेपाली कांग्रेसलाई मत हालेर आफ्नै पार्टिको सरकार ढालेपछि भने उहाँहरु मुल पार्टिमा बस्नु भएको हो ।

पार्टिको यहि विभाजनलाई रोक्न पनि प्रदेश १ मा सरकार फेरबदल गरिएको एमाले श्रोतको भनाई छ ।

Share:

Facebook
Twitter
Email
WhatsApp