दमक/
दमक ५ मा रहेको शुभागमन कृषि सहकारी सस्थाले स्वच्छ दुध उत्पादनकालागि उन्नत गाई पालिन उप आयोजना सञ्चालन गर्ने भएको छ ।
कृषि तथा पशुपन्छी विकास मन्त्रालय अन्तर्गतको नेपाल लाईभस्टक सेक्टर इनोभेसन आयोजनाको विकेन्द्रिकृत आयोजना सहयोग इकाइ विराटनगरको साझेदारीमा गाइ पालन सुरु गर्ने भएको हो ।
कुल लागत १ करोड ९१ लाख २७ हजार ३ सय को परियोजनामा आयोजना मार्फत ९५ लाख ६३ हजार ६ सय ५० रुपैँया अनुदान प्राप्त भएको शनिबार आयोजीत सार्वजनिक सुनुवाई कार्यक्रम मार्फत जानकारी गराइएको छ । बाँकी रकम ५७ लाख ३८ हजार १ यि ९० रुपैँया राष्ट्रिय सहकारी बैकंबाट ऋण उपलब्ध भएको छ भने सस्थाले ३८ लाख २५ हजार ४ सय ६० रुपैँया लगानी गरेको छ ।
परियोजना दमक ४ स्थित संगमचोकमा हुने र त्यसका लागि जग्गाको व्यवस्थापन भइसकेको सस्थका अध्यक्ष तेजस्वी थेवेले जानकारी दिनुभयो ।
परियोजना सञ्चालन भएपछि दुधजन्य उत्पादनमा बढ्दो परनिर्भरतालाई कम गर्ने र आम उपभोक्ताको स्वच्छ दुग्ध पदार्थजन्य सामाग्रीको उपभोग गर्ने अधिकारलाई सुनिश्चित गर्ने विस्वास परियोजना व्यवस्थापक पर्शुराम सुवेदीले गराउनु भयो ।
परियोजानामा ३६ देखी ५५ वटा उन्नत जातका गाइ पालिने जनाइएको छ । परियोजना आगामी वर्षको बैशाख ३० गते निर्माण सम्पन्न गरि सञ्चालन गर्नुपर्ने सम्झौता गरिएको छ ।
