सोलु/
विश्वकै अग्लो ठाउँमा रहेको स्थायी बस्तीमध्येको एक सोलुखुम्बुको छुकुङ गाउँमा बस्ती सुरक्षाका लागि बाँध लगाउने काम सम्पन्न भएको छ । चार हजार सात सय मिटर उचाइमा रहेको बस्तीमा ६२ जना पर्यटन मजदुरले ४० दिन लगाएर काम गरेका हुन् ।
बस्ती छेउको नदीबाट बस्तीलाई जोगाउन एक सय ७० मिटर ग्याबिन पर्खाल र एक हजार दुई सय मिटर सुख्खा ढुङ्गाको पर्खाल लगाइएको पर्यटन बोर्डका सूचना अधिकारी मणिराज लामिछानेले जानकारी दिनुभयो ।
नेपाल पर्यटन बोर्डले संयुक्त राष्ट्र सङ्घीय विकास कोष ९यूएनडीपी० सँगको साझेदारी र पर्यटन क्षेत्रमा काम गर्ने विभिन्न संस्थासँगको सहकार्यमा सञ्चालन गरिरहेको जीविकोपार्जन पुनरुत्थानका लागि दिगो पर्यटन परियोजनामार्फत काम सम्पन्न भएको लामिछानेले बताउनुभयो ।
