दमक, फागुन १४
युवाहरुलाई आफ्नै ठाउँमा रोजगारमा वा स्वरोजगार बनाउन मद्यत गर्न भन्दै दमक ६ मा निःशुल्क कपाल काट्ने तालिम दिइएको छ । वडाको वार्षिक बजेटमै समावेश गरेर यहाँ कपाल काट्ने तालिम दिइएको हो । १ लाख रुपैंयाँमा १० जनालाई ४५ दिनसम्म कपाल काट्ने तालिम दिइएको छ । यसबाट यहाँ सिक्नेहरुले कपाल काट्न सिक्ने र सिकेको सीपलाई आफ्नै ठाउँमा रोजगार वा स्वरोजगार बन्ने योजना बनाएको बताउनु हुन्छ प्रशिक्षार्थीमध्येका युमेशजंग बस्नेत र सीतादेवी श्रेष्ठ ।
दमक ६ देवकोटा चोकमा रहेको प्रोफायल यूनिसेक्स सैलुनले दमक ६ नम्वर वडाबाट पठाइएका सहभागिहरुलाई कपाल काट्न सिकाइरहेको छ । आधुनिक तरिकाले समय अनुसारको शैली र मेसिन र उपकरणको समेत प्रयोग गर्न सिकाइरहेको र ४५ दिन भित्रमा कपाल काट्न मात्रै नभएर यस सम्बन्धीका सबै औजार चलाउन जान्ने बनाउने गरी तालिम दिइरहेको संस्थाका प्रशिक्षक तिलक पिठाकोटेको भनाइ छ ।
वडाले यहाँ रहेका युवाहरुकालागि बिभिन्न सीपयूक्त तालिमहरु सञ्चालन गरिरहेको छ । त्यसबाट युवाहरुले आफ्नो क्षमताको विकास गरी सीपको सदुपयोग गरिरहेको पनि पाइएको छ । यो तालिमबाट पनि वडाले आफ्नै ठाउँमा रोजगार बन्न सकुन भन्ने लक्ष रहेको वडाध्यक्ष टेकबहादुर थापाले बताउनु भयो ।
सकेसम्म आफ्नै ठाउँमा काम गर्न, विदेश नै गएपनि यहाँ सिकेको सीपले भविष्य निर्माण गर्न सहज होस् भन्ने योजना वडाका रहेको बताइएको छ । तालिम लिनेहरुले निःशुल्क तालिम भनेर वेवास्ता नगरी दत्तचित्त भएर सिक्ने हो भने सीपले संंसारभर कमाइ गराउन सक्ने छ ।
https://www.facebook.com/share/v/164KuYCAzV/
