काठमाडौँ, फागुन १५
मलद्वारमा ३ किलो ७४५ ग्राम सुन लुकाएर ल्याउने उज्वेकिस्तानका ४ जनालाई प्रहरीले त्रिभुवन अन्तर्राष्ट्रिय विमानस्थलबाट नियन्त्रणमा लिएको छ ।
प्रहरीले सुनसहित गएराति दुबईबाट फ्लाइ दुवईको उडानमार्फत आएका ३ महिला र एक जना पुरुषलाई मलद्वारमा सुन लुकाएर ल्याएको अवस्थामा पक्राउ गरिएको विमानस्थल सुरक्षा कार्यालयका एसएसपी सोमेन्द्रसिंह राठौरले जनाउनु भयो ।
पक्राउ पर्नेमा अख्माद जानोभना दिलफुजा मारिफअलिभ, इजराइलोभना साओदत फेजिभा, गुलाम्दजानोभना उमिद अख्मेदोभ र सरदोर त्रुस्अनोभ रहेको प्रहरीले उल्लेख गरेको छ । घटनाबारे अनुसन्धान भइरहेको एसएसपी राठौरले उल्लेख गर्नुभयो ।
