दमक, चैत २१ / यही चैत ३० गते दमकमा नेकपा एमालेको प्रदेशस्तरीय आमसभाको फोहोरको व्यवस्थापन भ्रातृ संगठनका रुपमा रहेको युवा संघले गर्ने भएको छ ।
पार्टी अध्यक्ष तथा प्रधानमन्त्री केपी शर्मा ओलीले सम्बोधन गर्ने सो सभामा एक लाख बढी नागरिकको सहभागिता हुने बताइएको कार्यक्रममा भएका फोहोरको संकलन गरी व्यवस्थापन गर्ने काम युवा संघको दमक नगर कमिटीले गर्ने निर्णय गरेको छ ।
आज संघको बिस्तारित बैठकले जनसभा सफल बनाउन एक सय जना स्वयंसेवक युवा संघले परिचालन गर्ने, जनसभामा हुने फोहोरको समेत सफाई गर्ने निर्णय भएको बैठकपछि उज्यालो खबरलाई जानकारी गराउँदै संघका नगर सचिव कमल गैरेले बताउनु भयो ।
साथै बैशाख १० गते भित्रमा नगरका १० वटै वडामा वडा कमिटी गठन गरिसक्ने निर्णय सिमेत भएको उहाँले जानकारी दिनुभयो । अध्यक्ष छवि खतिवडाको अध्यक्षतामा सम्पन्न भएको बैठक पार्टीका नगर अध्यक्ष राम पौडेलको प्रमुख आतिथ्यतामा सम्पन्न भएको थियो ।
