दमक, साउन २२ /नेपाली कांग्रेसको भातृ संगठन नेपाल किसान महासंघ कोशी प्रदेश समिति को प्रथम अधिबेशन झापाको दमकमा शुरु भएको छ । नेपाल किसान महासंघ कोशी प्रदेश अध्यक्ष राजेन्द्र भट्टराईको अध्यक्षतामा भएको कार्यक्रममा प्रमुख अतिथी नेपाली कांग्रेसका पूर्व महामन्त्री तथा राष्ट्रियसभामा संसदीय दलका नेता कृष्णप्रसाद सिटौलाको रहेको थियो ।
उद्धाघटन कार्यक्रममा बोल्दै नेता सिटौलाले देश र जनताका मुद्धामा नेपालका सबै राजनीतिक दलहरु सधै एकै ठाउँमा उभिनुपर्ने बताए । उहाँले देश र जनताको परिवर्तनका लागि भएका आन्दोलनबाट प्राप्त उपलब्धिहरुलाई संस्थागत गर्दै शुसासन र समृद्धितर्फ देशलाई लैजान ठुला दलहरुवीच सहकार्य भएको र यो आवश्यकता पनि भएको जोड दिए ।
कांग्रेस दमक पार्टी कार्यालयमा भएको किसान महासंघको अधिबेशन उद्घाटनमा कांग्रेस कोशी प्रदेश महामन्त्री उमेश थापा, सहमहामन्त्री खड्ग फागो, झापा जिल्ला सभापति देउकुमार थेवे, सुनसरी जिल्ला सभापति केदार भण्डारी, कांग्रेस झापा क्षेत्र नम्बर ५ का क्षेत्रीय सभापति ढुण्डीराज भण्डारी, नेपाल किसान महासंघ केन्द्रीय सदस्य सिताराम भट्टराई, महासंघ भोजपुर अध्यक्ष ईन्दिरा प्रधान, ताप्लेजुङ्ग अध्यक्ष भिमबहादुर गुरुङ लगायतले समेत मन्तव्य राख्नु भएको थियो । अधिबेशनले महासंघको नयाँँ नेतृत्व चयन गर्ने जनाईएको छ ।
