दमक , २४ साउन । नेपाली कांग्रेसको भातृ संगठन नेपाल किसान महासंघ कोशी प्रदेश समितिको अध्यक्षमा पुनः राजेन्द्र भट्टराई निर्वाचित हुनु भएको छ। दमक निवासी भट्टराई यसअघि महासघको तदर्थ समितिका अध्यक्षको जिम्मेवारी सम्हालनु भएको थियो ।
महासंघको दमकमा सम्पन्न प्रथम प्रादेशिक अधिबेशनको निर्वाचन कार्यक्रमबाट भट्टराईको अध्यक्षतामा २४ सदस्यीय प्रदेश कार्यसमिति निर्विरोध निर्वाचित गरेको हो । निर्वाचित समितिको उपाध्यक्षमा भिष्मबहादुर गुरुङ, महिला उपाध्यक्षमा सीता खत्री, सचिवमा टेकनाथ घिमिरे , सहसचिवमा मोहनकुमार विष्ट चयन भएको निर्वाचन समितिका संयोजक लेखनाथ सेढाईले जानकारी दिनु भयो ।
महासंघको कार्यसमिति सदस्यहरुमा प्रजापतिदेवी विश्वास,हरिवहादुर केसी, बासुदेव गुरागाई,राधाकृष्ण बराल, गंगाप्रसाद चापागाई, भगीरथ शर्मा सुवेदी, दिपक पोख्रेल, मानेश्वर मेहता,भावना अर्याल, पदमबहादुर महत, टेकबहादुर बस्नेत, प्रेमकुमार आङदेम्बे निर्विरोध निर्वाचित हुनु भएको छ ।
यस्तै, सदस्यहरुमा किशोर न्यौपाने, रेनुकुमारी बरुवाल,सृजना भट्टराई,रमेशकुमार अधिकारी, तेजराज तिम्सीना, काजीमान सिंह भण्डारी, सजित राई र गोपाल प्रसाई चयन भएको संयोजक सेढाईले जनकारी दिनु भएको छ ।
अधिबेशनको विहिबार कांग्रेसका पूर्व महामन्त्री तथा राष्ट्रियसभामा संसदीय दलका नेता कृष्णप्रसाद सिटौलाले उद्घाटन गर्नु भएको थियो । दमकस्थित कांग्रेस पार्टी कार्यालयमा आयोजित अधिबेशनमा कोशी प्रदेशका १४ वटै जिल्लाबाट महासंघको प्रतिनिधित्व गरि सय बढी प्रतिनिधि,पर्यवेक्षकहरुको सहभागिता रहेको थियो ।
