दमक, २८ साउन । झापाको दमकमा मुख्य कार्यालय रहेको मेचि बहुउद्धेस्य सहकारी सस्थाले आफ्नो स्थापनाको २९ औ वार्षिक उत्सव तथा ३१ साधारणसभाको पूर्वसन्ध्यामा पत्रकार सम्मेलन गरेको छ । पत्रकार सम्मेलन गर्दैै वार्षिक प्रतिवेदन २०८२ समेत सार्वजनीक गरेको छ । सस्थाले सार्वजनिक गरेको प्रतिवेदनमा सस्थाले नयाँ पाँचवटा योजना सार्वजनीक गरेको छ । जसअनुसार मेची जल उद्योग स्थापनाकालागी ३ करोड ५० लाख, मेची सकारी आवास २ योजनाकालागि ५ करोड, सहककारी विद्यालयकालागी २ करोड, जग्गा भाडमा लिएर फलफूलजन्य विरुवाको खेती गर्न २ करोड र उर्लाबारी चोकमा व्यवसायीक भवन बनाउन २ करोड बजेट प्रस्ताव गरिएको पत्रकार सम्मेलनमा संस्थाका अध्यक्ष नारायण भट्टराईले जानकारी दिनुभयो ।
पत्रकार सम्मलेनमा सार्वजनीक गरिएको प्रतिवदेन अनुसार सहकारी संस्था हालको आ.व.मा पूँजी, निक्षेप र नगद भण्डारमा उल्लेखनीय वृद्धि गर्न सफल भएको छ, तर दीर्घकालीन स्थायित्वका लागि केही क्षेत्रहरूमा सुधार आवश्यक देखिन्छ। गत वर्षको शेयर पूँजी रु ३७ करोड १८ लाख ९० हजार ४०० रहेकोमा यस वर्ष रु २ करोड ५१ लाख २६ हजार ९०० ले वृद्धि भई रु ३९ करोड ७० लाख १७ हजार ३०० पुगेको छ। कोष रकम भने अघिल्लो वर्षको रु ३४ करोड ८४ लाख ८५ हजार ७५९ बाट घटेर रु ३१ करोड ४१ लाख ९१ हजार ८८५ मा झरेको छ। बचत÷निक्षेप मा २३.४८% को वृद्धि भएको छ । अघिल्लो वर्षको रु ३ अर्ब ६ करोड ७१ लाख ३७ हजार ४३० बाट बढेर यस वर्ष रु ३ अर्ब ७८ करोड ७४ लाख ६२ हजार २५६ पुगेको छ। यसमा दीर्घकालीन बचतको हिस्सा ६४.०९% र अल्पकालीन ३५.९०% रहेको छ। संस्थाले बाह्य कर्जा न्यून गर्ने नीति अन्तर्गत स्वरोजगार कोषको रु ४ लाख १२ हजार ७४७ बाहेक सबै बाह्य कर्जा भुक्तानी गरेको छ। गत वर्षको रु ३८ करोड ३९ लाख २२ हजार ४०९ नगद तथा बैंक भण्डार यस वर्ष रु ४१ करोड ४५ लाख ७० हजार ६३५ ले बढ्दै रु ७९ करोड ८४ लाख ९३ हजार ०४४ पुगेको छ यो लगभग दोब्बर वृद्धि हो । स्थायी लगानीमा सानो वृद्धि भई रु ५ करोड ३६ लाख ५९ हजार ६०० बाट रु ५ करोड ४२ लाख ५५ हजार ४०० पुगेको छ। कर्जा लगानी ८.०६% ले बढ्दै रु ३ अर्ब २९ करोड ७३ लाख ९८ हजार १९५ बाट रु ३ अर्ब ५६ करोड ३३ लाख २ हजार ९९०.८२ पुगेको छ। स्थिर सम्पत्ति रु ९ करोड ४१ लाख ४२ हजार ६४५ बाट बढेर रु ११ करोड ५३ लाख ९१ हजार ५२७ पुगेको छ, जसमा गैह–बैंकिङ सम्पत्ति रु ४ करोड ५५ लाख ८६ हजार ११५ कायम भएको छ। सस्थाका कार्यकारी निर्देशक खोम बगालेका सस्थामा तरलता बढेको र ऋण माग्न आउने र ऋण लिएकाहरुले पनि तिर्ने प्रवृद्धि कमजोर दखिदै थालेकोले सस्था अव उत्पादनमुलक क्षेत्रमा लागेको जानकारी दिनुभयो ।
स्वतन्त्र रुपमा आन्तरिक लेखापरीक्षण गर्न जिम्मेवारी संस्थाले लेखापरीक्षणलाई प्रभावकारी र जवाफदेही बनाउन मान्यताप्राप्त बाह्य निकायलाई दिने गरेको छ। संस्थासँग समझौता गरे अनुसार लेखा परीक्षकले मुख्य कार्यालय र सबै सेवा कार्यालयहरुको लेखापरीक्षण पश्चात् दिइएका त्रुटी, कैफियत र लेखा सुपरिवेक्षण समितिले अध्ययन गरी कार्यान्वयनका लागि सञ्चालक समितिलाई लिखित सुझाव दिइएको छ ।
