दमक,३१ साउन । झापाको मेचीनगरमा टिपरले सिटी सफारीलाई ठक्कर दिँदा तीनजना घाइते भएका छन् । शनिबार बिहान ११ः४० मेचीनगर –८ सिर्जना चोकस्थित भित्री पक्की सडकखण्डमा गिरीगाउँबाट ईटाभट्टातर्फ आउँदै गरेको प्रदेश १–०२–००१ क ५२१२ न. को टिपरले ओभरटेक गर्दा सोही दिशातर्फ आउँदै गरेको प्रदेश १–०१–००२ ह ३८७० नम्वरको सिटी सफारीलाई पछाडिवाट ठक्कर दिएको प्रहरीले जनाएको छ ।
दुर्घटनामा सिटीमा सवार मेचीनगर वडा न.८ शान्तिटोल वस्ने ४२ वर्षीया सरिता श्रेष्ठ , सोही ठाउँ बस्ने ४५ वर्षीय हर्ककुमारी मगर र ४७ वर्षीया सुस्मिता श्रेष्ठ घाइते भएको प्रहरीले जनाएको छ।
उनीहरुको स्थानीय साई सिमरम मेडिकल हल ईटाभट्टामा उपचार भइरहेको प्रहरीले जनाएको छ । टिपर चालक खोटाङ रावावेशी वडा न.६ बस्ने २५ वर्षीय रोशन गुरुङ, सिटी चालक मेचीनगर ८ गिरीटोल बस्ने ५२ वर्षीय अर्जुन गिरी र दुवै सवारी साधन अस्थायी प्रहरी पोष्ट ईटाभट्टाको नियन्त्रणमा रहेको प्रहरीले जनाएको छ ।
