पथरी, ३ भदौ / महिलाहरुको महत्वपूर्ण पर्व हरितालिका तीजको अवसरमा मोरङको पथरी शनिश्चरेस्थित नेकपा एमाले र त्यसको भगिनी संगठन अखिल नेपाल महिला संघले अग्रज महिलाहरुलाई सम्मानित गर्दै संयुक्त रुपमा कार्यक्रम सम्पन्न गरेको छ ।
कार्यक्रमकी प्रमुख अतिथि एमाले केन्द्रीय सदस्य नैनकला ओझाले महिलाहरुले तीजलाई भड्किलो नबनाई संस्कार संरक्षण र खुसीको पर्वका रुपमा मनाउन आवश्यक रहेको चर्चा गर्नुभयो ।
वडा नम्बर १ को रत्नचोकमा आयोजित नाचगानसहितकोे कार्यक्रममा पूर्व वडा सदस्य वसन्ती राईसहित ३१ जनालाई दोसल्ला र सम्मानपत्रले सम्मानित गरिएको थियो । नगर प्रमुख मोेहनप्रसाद तुम्बापोका साथै एमाले नेताहरु दिलीपकुमार राई, यमुना विष्ट बास्तोलासहितले शुभकामना मन्तव्य व्यक्त गर्नुभयो । कार्यक्रम एमाले नगर अध्यक्ष सञ्जीव गिरीकोे अध्यक्षतामा सम्पन्न भयो ।
