Search
Close this search box.
"माओवादी केन्द्रको तयारी"

दमकमा माओवादी एक्लै भएपनि मेयर र ५ वटा वडामा जीत निकाल्ने छौ : अध्यक्ष बस्नेत

दमक/
नेकपा माओवादी केन्द्रका दमक नगर कमिटीका अध्यक्ष रबि बस्नेत । जसले २०५९ साल देखी विद्यार्थीबाट राजनिती गर्न सिके । सुरुमा विद्यार्थीको संगठनमा सहयोगी बनेर काम गर्नु भएका बस्नेत अहिले माओवादीको यूवा जगतमा एउटा आईडल बन्नु भएको छ । पार्टिको जनवर्गिय संघठनमा बसेर काम गरिरहनु भएका बस्नेतलाइ एकाएक दमक नगर कमिटीको अध्यक्ष बनाइयो ।

उहालाई यहि पटक पार्टिले यो सम्मको जिम्मेवारी दिन्छ भन्ने दश मनमा एक मन पनि थिएन । पार्टिको अधिबेसनपछि नेतृत्व परिवर्तनमा निकै चुनौती सामना गरियो । नगर इन्चार्ज बेदु गौतम र पार्टिका नगर सचिव तिर्थराज बस्नेत शंकर दुवैजनाले अध्यक्ष बन्ने चाह व्यक्त गर्नु भयो । गौतमले शंकरलाई र शंकरले गौतलमलाई नेतृत्व नदिने परिस्थती बन्यो । दुवैजनाको हठका कारण बिकल्पमा पर्नुभयो बस्नेत ।

केटाकेटि हो दुवैजनाले भनेको टेरिहाल्नछन् भनेर अध्यक्ष बनाइएका बस्नेत अहिले निकै सकृय भएर पार्टिमा लागी पर्नुभएको छ । यसभन्दा अघिका नेतृत्वलाई चुनौती नै दिने तरिकाले योजनावद्धरुपमा काम गर्न थालीसक्नु भएको छ । उहाँले पहिचान र समृद्धिकालागि पार्टि सुद्धिकरण अभियाननै चलाएर अहिले टोल टोलमा पुगीरहनु भएको छ ।

पहिचान, विकास र समृद्धिमा नयाँ क्रान्तिको गान, सुदृढ र जनमैत्री माओवादी केन्द्र हामीसबैको सान भन्ने नारा सहित अभियानको थालनी बस्नेतले गर्नु भएको छ ।

यो कार्यकाल निकै चुनौती छ बस्नेतलाई । किनकी बैशाख ३० मा स्थानीय तहको निर्वाचन आउँदै छ । त्यसलगत्तै प्रदेश र केन्द्रको निर्वाचन हुने छ । यी दुवै निर्वाचनमा आफ्ना प्रतिनिधीलाई सहभागी मात्र हैन बिजयी गराउनु पर्ने महत्वपूणर् जिम्मेवारी उहाँसँग छ ।

स्थानीयतहको निर्वाचनमा गठबन्धन कायमै रह्यो र माओवादीले मेयरको उम्मेद्वार पाउने भयो भने रेवतराज पुरी ‘गगन’लाई उठाएर अघि बढ्ने योजनामा उहाँ हुनुहुन्छ । त्यसपछि गठबन्धनका अन्य निणर्य र उम्मेद्वारलाई भरपूर सहयोग गर्न तयार भएको उहाँले बताउनु भयो ।

यदि गठबन्धन भएन भने मेयरमा गगन पुरीलाई नै अघी बढाएर र अन्य ५ वटा वडामा जसरी पनि जीत निकाल्ने गरिको तयारीमा आफुहरु लागेका छौ । उज्यालो खवरसँगको कुराकानीमा बस्नेत भन्नु हुन्छ ‘यस भन्दा अघीको निर्वाचनमा हाम्रो संघठनको संरचना कमजोर थियो । कमजोर धरातलबाट जबरजस्ती हामी उठेका थियौ । तरपनि आम नागरिकले सम्मानजनक मत दिनुभयो ।

त्यो हाम्रो ठुलो उपलब्धी हो । यो पटकको निर्वाचनमा त्यो उपलब्धीलाई कायम राख्दै संघठानीक संरचना बलियो बनाएका छौ ।’ मेयर र केहि वडामा जसरी भएपनि जीत हासिँल गर्ने नै छौ । ’ दावि गर्दै बस्नेत भन्नु हुन्छ ‘ यसकालागि साम दाम दण्ड भेद केके लगाउनु पर्ने हो त्यो सबै शक्ति लगाएर भएपनि दमकको मुहार फेर्न हामी माओवादीकै स्थानीय सरकार बनाउने छौ ।’

Share:

Facebook
Twitter
Email
WhatsApp