काठमाण्डौ,२५ असोज। नेपाल क्रिकेट सङ्घ (क्यान) ले नेपाली महिला राष्ट्रिय क्रिकेट टोलीको मुख्य प्रशिक्षकका लागि आवेदन खुलाएको जनाएको छ । ईसीबी वा सीए लेभल–३ वा सरहको प्रमाणपत्र भएको र कम्तीमा पाँच वर्षको व्यावसायिक क्रिकेट प्रशिक्षण अनुभव भएको व्यक्तिले आवेदन दिन सक्ने भएका छन् ।
आउँदो अक्टोबर २५ तारिख भित्र आवेदन बुझाइसक्नुपर्ने सूचनामा उल्लेख गरिएको छ । महिला क्रिकेट टोलीको जिम्मेवारी यसअघि मनोज कटुवालले सम्हालनु भएको थियो । नेपाली महिला टोलीले सन् २०२६ को जनवरीमा नेपालमै हुने महिला टी–२० विश्वकपको ग्लोबल छनोट खेल्ने छ ।
