दमक, २५ असोज । झापाको कमल गाउँपालिका–७ रंगपुरमा एक पुरुषले खेतमा काम गर्ने क्रममा गोली फेला पारेका छन्। जिल्ला प्रहरी कार्यालय झापाका अनुसार ५५ वर्षीय गंगाप्रसाद पाण्डेले सोमबार साँझ ७ बजेतिर केराको पात काट्ने क्रममा एउटा सेतो बोरा देखेपछि खोलेर हेर्दा गोली भेटिएको हो।
पाण्डेले उक्त विषयमा मंगलबार बिहान ६ः३० बजे इलाका प्रहरी कार्यालय दमकमा जानकारी गराएपछि प्रहरी टोली घटनास्थल पुगेको थियो। उनले भेटिएका एसएलआर को ७.६२ मिमीका ५५ राउन्ड गोली प्रहरीलाई बुझाएको प्रहरीले जनाएको छ।
प्रहरीले घटनाबारे थप अनुसन्धान सुरु गरेको बताएको छ। हालसम्म गोली कसले र किन त्यहाँ फ्याँकेको भन्ने खुल्न बाँकी छ।
एआइ तस्बीर
