दमक, १७ पुस । बिहिबार झापाको कन्काई नगरपालिका वडा नम्बर ९ मन्त्रीबारीस्थित रावण मर्कीको घर आँगनमा ४७ वर्षीय सुब्बा नगरकोटीको अचानक ढलेर मृत्यु भएको छ । जिल्ला काठमाडौं कागेश्वरी मनोहर नगरपालिका वडा नम्बर ४ स्थायी घर भएका नगरकोटी आफ्नी श्रीमतीसँगै बसाइँ सरेर कन्काई आउनुभएको थियो ।
घरमा ल्याइएको सामान अनलोड गर्ने क्रममा उहाँ अचानक ढलेको र घटनास्थलमै मृत्यु भएको प्रहरीले जनाएको छ । प्रारम्भिक बुझाइ अनुसार मृतक नगरकोटी विगतदेखि नै छारे रोगको बिरामी रहेको बताइएको छ। घटनाबारे थप कानुनी प्रक्रिया र अनुसन्धानका लागि इलाका प्रहरी कार्यालय अनारमनीबाट प्रहरी अधिकृतसहितको टोली घटनास्थलतर्फ खटिएको छ। यस सम्बन्धमा थप विवरण आउन बाँकी रहेको प्रहरीले जनाएको छ ।
एआइ तस्बीर
