कोशी प्रदेश , थपिए यी मन्त्री , गराईयो सपथ

विराटनगर , पुष २२ । कोशी प्रदेशका १० जना नयाँ मन्त्रीले पद तथा गोपनियताको शपथ लिएका छन् । मुख्यमन्त्री हिक्मत कार्कीको सिफारिसमा प्रदेश प्रमुख परशुराम खापुङ्गले मंगलबार मन्त्रिपरिषद् पुनर्गठन गर्नुभएको हो ।
प्रदेश प्रमुखको कार्यालयमा आयोजित एक समारोहकाबीच नयाँ मन्त्रीहरुले शपथ लिएका हुन् ।
जसअनुसार काँग्रेसबाट भौतिक पूर्वाधारमन्त्रीमा प्रदीप कुमार सुनुवार, पर्यटनमन्त्रीमा भीम पराजुली, स्वास्थ्यमन्त्रीमा मानबहादुर लिम्बु, उद्योगमन्त्रीमा इस्राइल मन्सुरी तथा भौतिक पूर्वाधार राज्यमन्त्रीमा शोभा चेम्जोङ रहनु भएको छ ।
यस्तै एमालेबाट खानेपानी मन्त्रीमा चिन्तन पाठक, आन्तरिक मामिला मन्त्रीमा इन्द्रमणि पराजुली, आर्थिक मामिला मन्त्रीमा विदुर कुमार लिंथेप र सामाजिक विकास मन्त्रीमा रामप्रसाद महतोले शपथ लिनुभएको छ । आन्तरिक मामिला राज्यमन्त्रीमा उमाकान्त गौतमले शपथ लिनुभएको छ ।