सिरहा,२३ पुस । सिरहाको कर्जन्हा नगरपालिकामा १७ वर्षीया बालिकाको हत्यामा संलग्न रहेको आरोपमा प्रहरीले एक जनालाई पक्राउ गरेको छ। पक्राउ पर्नेमा धनुषा जिल्ला छिरेश्वरनाथ नगरपालिका–३ बटैया टोलका ४५ वर्षीय राम बालक चौधरी रहेका हुन।
मंसिर २२ गते दिउँसो कर्जन्हा–२ स्कुल टोलस्थित कमला सिँचाइ नहर नजिकै झाडीमा १७ वर्षीया बालिकाको शव फेला परेको हो। बालिका सिरहा कर्जन्हा–१ बाल्टियाकी बासिन्दा थिइन्। घटनाको अनुसन्धानका लागि नेपाल प्रहरीको केन्द्रीय अनुसन्धान ब्युरो, मधेश प्रदेश प्रहरी कार्यालय, जिल्ला प्रहरी कार्यालय सिरहा र मातहतका कार्यालयबाट संयुक्त टोली खटिएको थियो। जस अन्तरगत सूक्ष्म अनुसन्धानपछि प्रहरी टोलीले चौधरीलाई हिजो पक्राउ गर्न सफल भएको हो। पक्राउ परेका उनीमाथि अहिले इलाका प्रहरी कार्यालय मिर्चैया, सिरहाबाट थप अनुसन्धान कार्य भइरहेको प्रहरीले बताएको छ।
एआइ तस्बीर
