दमक, ३ माघ । अटो मोवाईल एसोसिएसन दमकको अध्यक्षमा दोस्रो कार्यकालका लागी बुद्धिसागर बराल(बिमल) फेरी चयन हुनु भएको छ ।
शुक्रबार दमक ९ स्थित हिमालय स्पाईसीमा सम्पन्न भएको एसोसिएसनको तेस्रो चुनावी वार्षिक साधारणसभाले अध्यक्षमा बराललाई चयन गरेको हो । यस्तै बरिष्ठ उपाध्यक्षमा गोकुल खड्का चयन हुँदा उपाध्यक्षमा डीक कुमार चम्लगाई चयन हुनुभएको छ ।
सचीवमा नेत्र विक्रम बस्नेत चयन गर्दा सह–सचिवमा धिरज न्यौपानेलाई चयन गरिएको छ । यस्तै कोषाध्यक्षमा प्रकाश शर्मा सहित अन्य ५ जनालाई सदस्यमा चुन्दै ११ सदस्यीय नयाँ कार्यसमती चयन भएको छ । सदस्यहरुमा गणेश गौतम, जीवन न्यौपाने, मेघराज न्यौपाने , टंक श्रेष्ठ र चन्द्र सापकोटा रहनु भएको छ ।
दमक उद्योग वाणिज्य संघका अध्यक्ष गोपाल गुरागाईको प्रमुख आतिथ्यतामा सम्पन्न साधारणसभामा संघमा अटो मोवाइलका व्यवसायीको प्रतिनिधित्व गर्दै कार्य समिती सदस्यमा निर्वाचीत हुनु भएका गोकुल खड्कालाई सम्मान समेत गरेको थियो ।
सो अवसरमा बोल्दै संघका अध्यक्ष गुरागाईले पछिल्लो समय उद्योगीहरु सुरक्षीत नभएको र लगानीको समेत वातारण बन्न नसकिरहेको बताउनु भयो । यस्तो अवस्थामा पनि राज्यले व्यवसायीलाई नै निसाना बनाउँदै करको दर र दायरा बढाएर व्यापारीहरुलाई बिस्तापित गर्ने रणनीनित बनाइरहेको उल्लेख गर्नुभयो । यसका विरुद्धमा व्यापारीहरु एकजुट भएर प्रतिकार गर्नुपर्ने उहाँको भनाई थियो ।
यस्तै सो अवसरमा एसोसिएसनका अध्यक्ष बरालले अघील्लो कार्यकालमा गरेका काम र अवस्थाको बारेमा तयार पारिएको प्रतिवेदन सार्वजनिक गर्नु भएको थियो । यो वर्ष एसोसिएसनमा कम्तिमा ५० जना सदस्य थप्ने गरी प्रभावकारी काम र कार्यक्रम गर्ने उहाँले प्रतिवद्धता जनाउनु भएको छ ।
