दमक, ४ माघ । नेकपा एमालेले आगामी फागुन २१ मा हुने प्रतिनिधि सभा सदस्यको निर्वाचनका लागि अधिकांश क्षेत्रमा उम्मेदवारहरुको नाम टुंगो लगाएको भएपनि झापाको क्षेत्र नं ३ भने खाली छ । ५ वटा निर्वाचन क्षेत्र रहेको झापामा अन्य चारवटै क्षेत्रकालागी उम्मेदवारी तोकीदा ३ मा भने खाली राखीएको छ ।
त्यहाँबाट सिफारिस गरिएका उम्मेदवार दिपक कार्कीले टिकट लिन अस्वीकार गरेका बताइएको छ । अर्का सम्भावित बसन्त बाँनियालाई टिकट दिन पार्टिले होल्ड गरेको छ ।
होल्ड राखीएका ठाउँमा पार्टि अध्यक्ष ओलीले एकल निर्णय गर्ने अधिकार सहित सचिवालययबाट टुङ्गो लगाइएको छ । अव यसमा अध्यक्ष ओलीले एमालेबाटै उम्मेदवार तोक्नु हुन्छ वा राप्रपासग तालमेल गर्नु हुन्छ त्यो भने आज र भोली बेलुका सम्म टुङ्गो लाग्ने छ । किनकी ६ गते उम्मेदवारी मनोनय दर्ता गर्ने समयसिमा रहेकोले उम्मेदवारी भोली सम्ममा टुङ्गो लगाइसक्नु पर्ने हुन्छ ।
यस अघीका दुई निर्वाचनमा यस क्षेत्रकालागी एमालेले राप्रपासग चुनावी तालमेल गरेको थियो । यो क्षेत्र राप्रपाका अध्यक्ष राजेन्द्र लिङ्गदेनलाई एमालेले सघाउँदै आएको छ र ओलीको निर्वाचन क्षेत्र झापा ५ मा राप्रपाले सघाउने गरीको तालमेल हुँदै आएको छ । अहिले पनि एमालेले सो क्षेत्र खाली राख्दा राप्रपासगको तालमेल गर्नकालागी राखीएको हो कि भन्ने धेरैले लख काटेका छन् ।
तर राप्रपाले भने झापा ५ बाट लक्ष्मी संग्रौलालाई उम्मेदवार बनाउने निर्णय गरीसकेको छ । अव राप्रपाले संग्रौलालाई ब्याक गराएर ओलीलाई समर्थन गर्दै झापाको तीन नं क्षेत्रमा लिङदेलनले आफुलाई एमालेको साथ आउन रोज्नु होला कि नरोज्नु होला भन्ने कुरा चाहि मुख्य प्रश्न उब्जीएको छ ।
