चुनावमा ओली रणनिती कस्तो ?माहोल कस्तो बन्दै छ?

दमक , ४ फागुन । नेकपा एमालेका अध्यक्ष तथा पूर्व प्रधानमन्त्री केपि शर्मा ओली अहिले आफ्नै चुनावी प्रचारमा व्यस्त हुनुभएको छ । आज देखी औपचारीक रुपमा प्रचार–प्रसारको काम गर्न पाइने भइएपनि ओली मनोनय दर्ता देखीनै आफ्ना चुनावी गतिविधिमा केन्द्रित हुनु भएको छ ।

झापा क्षेत्र नं ५ का प्रतिनिधीसभा उम्मेदवार ओली यो पटक कुनै आमसभा तथा सभा सम्मेलन भन्दा पनि सानो समुह वा घर घरमै गएर मतदातासग भेटघाट गरिरहनु भएको छ ।

 

अघील्ला पटकका निर्वाचनमा ओली काठमाडौ र देशदौडाहमा निस्कनु हुन्थ्यो । तर यो पटक निकै सकृय भएर आफ्नै निर्वाचन क्षेत्रमा केन्द्रित आफ्नो प्रचारमा लाग्नु भएको छ । हुन त ओलीले यो क्षेत्रमा आफ्नो प्रचार गर्न धेरै मिहनत नगर्नु पर्ने हो । किनकी यहाँका विकास र अन्य आवश्यकतालाई पुरा गर्न स्थानीय नेताले जेजे माग गरे ती हर सम्भव पुरा गराउनु भएको छ ।

 

राजनैतिक तथा साङ्गठनीक रुपमा समेत उहाँले आफ्ना बिस्वासपात्रहरुलाई यही क्षेत्रबाट केन्द्रिय पदाधिकारी सहित सदस्य र अन्य जनगर्वीय संगठनमा महत्वपूर्ण जिम्मेवारी दिलाउनु भएको छ । तर अहिले ती सबैसग खास भर नमानी ओली आफै आफ्नो निर्वाचनको प्रचारमा लाग्नु भएको छ ।

 

ओली जहाँ जानु हुन्छ त्यहाँ स्थानीयले उहाँलाई प्रश्न गर्छन । आफ्ना जिज्ञासा राख्छन् । उहाँ ती प्रश्न र जीज्ञासालाई धैरतापूर्वक सुन्नु हुन्छ । र अन्तिममा जवाफ दिनु हुन्छ । प्रश्न सगसगै मतदाता आफ्ना समस्या र मागहरु पनि राख्ने गर्दछन् । ती समस्या र मागलाई संवोधन गर्न ओली प्रतिवद्धता जनाउनु हुन्छ ।
आईतबार आचारसंहितालाई तोड्दै भएपनि ओली शिक्षकहरुको भेला कार्यक्रममा सहभागी हुनुभयो । त्यहाँ शिक्षकहरुले आफुहरुको आन्दोलन दवाउने र माग सम्बोधन किन नगरेको भन्दै प्रश्न सोधेका थीए ।

उहाँले त्यसबारेमा जवाफ दिदै भन्नु भयो ‘त्यो आन्दोलनकाबेला कतिपय मागहरु पुरा गर्न सकिने थियो , कतिपय तत्काल पुरा हुनेखालका थिएनन, वार्ता गरौ, सहमती गरेर निक्र्यौल निकालौ भन्दा प्रधानमन्त्रीसग वार्तानै नगर्ने , जे लेखेको छ त्यो भन्दा दायाँ–वायाँ गर्दै गर्दैनौ भन्दै तपाईहरुको नेता वार्तामै नआउने, शिक्षा मन्त्रीको राजिनामा गराउन सफल भएको भन्दै हिड्ने , शिक्षा मन्त्रीको राजिनामा गराएर शिक्षकहरुको माग पुरा भयो त ? उहाँले प्रतिप्रश्न गर्नु भयो ।

 

उहाँले भन्नु भयो कम्तिमा त्यसबेला केहि सहमती भएको भए त अहिले त्यसको लाभ त शिक्षकहरुले नै लिनु हुने थियो नी ? उहाँले भन्नु भयो ‘खैर फेरी पनि केहि बितेको छैन, शिक्षा ऐन तयारी अवस्थामा छ । शिक्षकहरुका अधिकांश माग समेत त्यसले संवोधन गर्छ, त्यस बाहेकका पुरा गर्न सकिने मागहरुका बारेमा फेरी छलफल गरेर निक्र्यौल निकाल्नु पर्छ, हामी अहिले फागुन २१को अभियानमा छौ । यसमा तपाईहरु सकरात्मक ढंगबाट लागीदिनुस । ’ ओलीले आग्रह गर्नु भयो ।
यसपछि धिमालहरुको भेलामा गएर ओलीले भन्नु भयो ‘ धिमाल जातीको विकास, संरक्षण , संवर्धन र प्रवर्धन गर्ने काम कस्ले गर्यो ? धिमाल जाती यो भुगोलको इतिहाँस हो भनेर प्रथम नागरीक कुन सरकारको पालामा भयो ? धिमालहरुको संग्राहलय बनाउन भन्दै आवश्यक बजेट कुन सरकारको पालामा भयो ? अनी अहिले नगरपालिका आगाडी बनाइएको धिमालको शालीक कस्ले भत्कायो ? त्यो पनि चीन्न र निर्वाचनमा लाग्न निर्देशन दिनुभयो । ओलीले भन्नु यो चुनाव देश भत्काउने, डढाउने र खरानी पार्नेसग देश बनाउने, विकासलाई नयाँ दिशामा लैजाने र निकास दिने बिचको लडाई हो । त्यसलैले कुन तत्वलाई रोज्ने त्यहि अनुसार चुनावी अभियानमा लाग्नुहोस । ’ ओलीले धिमालहरुलाई आग्रह गर्नुभयो ।

यसपछि साँझ दमकका मुस्लिम समुदायका अगुवा भेलामा पनि ओलीले भन्नु भयो ‘नेपाल जात, धर्म, सम्प्रदाय लक्षीत मानसिकताबाट माथी उठ्नु पर्छ । नेपाल सबैको साझा घर हो । यहाँ बस्ने सबैको अधिकार सबैको बराबर छ । जात र धर्मका आधारमा कोहिमाथी थिचोमिचो गर्न नपाउने र नहुने कानुन बनाएको भन्दै यसले सबैलाई बराबरीको अवस्थामा राखेकोले सबैको आत्मसम्मान बृद्धि गराएको छ ।’ ओलीले उल्लेख गर्नुभयो ।

यहाँ मुश्लिम समुदायले मदराशामा पढाई हुने शिक्षालयहरुमा पछिल्लो समय शिक्षक दरबन्दी कटौती गरिएकोले समस्या भइरहेको र यसको समाधान गरिदिन माग राखेका थिए । यो समुदायको अन्तिम दाह सस्कार गर्ने स्थानको अभाव भएको र नेतृत्व तहमा मुश्लिम समुदायलाई समेत समानुपातिक रुपमा सहभागी गराउन माग राखेका थीए ।

 

यी सबै सुनेपछि ओलीले भन्नु भयो ‘मुश्लिम समुदायले राखेका यी सबै माग समय सान्र्भीक छन् । हामी यसलाई सम्बोधन गर्न तयार छौ । यसमा हाम्रो प्रतिवद्धता छ ।’
ओली आज सोमबार पनि दमकमा आयोजीत बिभिन्न कार्यक्रम तथा भेलामा सहभागी बन्नु हुने छ । दमकको वार्ड १ , २, ३ , ५ , ६ र ७ नम्बर वडामा आयोजीत ६ वटा छुट्टा छुट्टै कार्यक्रममा उहाँ सहभागी बनेर मतदातासँग प्रत्यक्ष संवाद गर्नु हुने छ । ६ गते सम्म आफ्नो निर्वचन क्षेत्रमा रहनु हुने ओली अहिले प्रत्यक्ष रुपमा मतदाताका कुरा सुन्ने र आफ्ना कुरा राख्ने काममा व्यस्त हुनुहुन्छ ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

करोडौँ ठगी आरोपमा फरार बराह सहकारीका अध्यक्ष लामिछाने पक्राउ

धरान,२ मंसिर । धरानको बराह बचत तथा ऋण सहकारी संस्थाका अध्यक्ष शिवकुमार लामिछाने (विश्वकर्मा)पक्राउ पर्नु भएको छ । बचतकर्ताको बचत हिनामिना गरेर लामो समयदेखि फरार

दमकमा चलिरहेको आदिवासी जनजाती महोत्सव कस्तो? के भन्छन हेर्न जाने दर्शक ?

दमक, २ मंसीर । रातको समय । मंसीर महिना लागीसक्यो । चिसो हावा चलीरहेको थियो । त्यसमाथी रतुवा नदिको किनार । चीसोको सिरेटो नचल्ने कुरै

जन्मदिनको अवसरमा मानव सेवा आश्रममा भोजन

दमक, मंसिर २ । जन्मदिनको अवसरमा हुने फजुल खर्च कटौती गर्दै दमकमा एक परिवारले मानव सेवा आश्रममा रहेका अशक्त तथा असहायलाई भोजन गराएको छ।दमक–६ निवासी

प्रधानमन्त्री शाह र भारतीय राजदूत दलेला बीच आसन्न भारत भ्रमणबारे छलफल

काठमाडौं,२ मंसिर। प्रधानमन्त्री बालेन्द्र शाह (बालेन) सँग नेपालका लागि नवनियुक्त भारतीय राजदूत सुधाकर दलेलाले सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेटवार्ता गर्नु भएको छ।प्रधानमन्त्रीको आसन्न भारत

अध्यक्ष ओलीद्वारा सरकारको दमनविरुद्ध प्रतिरोधमा उत्रिन कार्यकर्तालाई निर्देशन

काठमाडौं ,२ मंसिर। नेकपा (एमाले)अध्यक्ष केपी शर्मा ओलीले सरकार एमालेप्रति निर्मम भएर उत्रिएकाले त्यसको प्रतिरोधका लागि तयार रहन अगुवा कार्यकर्ताहरुलाई निर्देशन दिनु भएको छ ।आज

एमाले विकासको नायक हो : केपी ओली

काठमाडौ २ कार्तिक । नेकपा एमालेका अध्यक्ष केपि शर्मा ओलीले नेकपा एमाले विकासको नायक रहेको बताउनु भएको छ । एमालेको राष्ट्रियभेलालाई सम्बोधन गर्दै उहाँले भन्नु

अस्ट्रेलियाको क्रिसमस टापुमा रातो गंगटाको वार्षिक बसाइँसराइ सुरु

क्रिस्मस् (आईल्याण्ड),२ मंसिर । अस्ट्रेलियाको क्रिसमस टापुमा लाखौँ रातो गंगटो (रेड क्र्याब) आफ्नो वार्षिक प्रजनन यात्राका लागि जंगलबाट समुद्रतर्फ निस्किएका छन् । वर्षायामको पहिलो वर्षासँगै