नेपाललाई सुरक्षित गर्भपतन पहुँचमा सुधार गर्न अन्तराष्ट्रिय जोड

काठमाडौं,८ चैत । संयुक्त राष्ट्र संघ मानवअधिकार परिषद्को विश्वव्यापी आवधिक समीक्षा युपिआर को चौथो चक्रअन्तर्गत नेपालले बुझाएको प्रतिवेदनमाथि विभिन्न राष्ट्रहरूले दिएका सुझावहरू कार्यान्वयन गर्न सरोकारवालाहरूले जोड दिएका छन् ।

महिला, कानुन र विकास मञ्च ९एफडब्लुएलडी० द्वारा आयोजित सञ्चारकर्मीहरूसँगको कार्यशालामा युपिआर प्रक्रिया र नेपाललाई प्राप्त प्रमुख सिफारिसहरूबारे विस्तृत छलफल गरिएको हो ।

सन् २०२५ मा नेपाल सरकारले परिषद्मा पेश गरेको प्रतिवेदनमाथि टिप्पणी गर्दै विभिन्न देशले विशेष गरी कानुनी पहिचान, लैङ्गिक हिंसा र यौन तथा प्रजनन स्वास्थ्यका क्षेत्रमा सुधार गर्न सुझाव दिएका छन् । कार्यशालामा अधिवक्ता बिनु लामाले नेपाललाई प्राप्त सुझावहरू कि त कार्यान्वयनगर्ने वा जानकारीमा राख्ने दुईवटा मात्र विकल्प रहेको जानकारी दिइन् ।

 

कार्यक्रममा एफडब्लुएलडीकी अधिवक्ता रोजिना श्रेष्ठले नेपाललाई प्राप्त सुझावहरूमध्ये गर्भपतनको निरपराधीकरण र प्रजनन स्वास्थ्य अधिकार प्रमुख रहेको बताइन् । उनका अनुसार फ्रान्स र आइसल्यान्डले सबै परिस्थितिमा गर्भपतनलाई अपराधमुक्त र वैधानिक बनाउन नेपाललाई सुझाव दिएका छन् । त्यस्तै, नर्वेले महिला, किशोरकिशोरी र लैङ्गिक अल्पसङ्ख्यकहरूको सुरक्षित गर्भपतनमा पहुँच सुनिश्चित गर्न जोड दिएको छ ।
वरिष्ठ अधिवक्ता मीरा ढुंगानाले छाउपडी र दाइजो प्रथा जस्ता सामाजिक कुरीति अन्त्यका लागि कानुनको प्रभावकारी कार्यान्वयन गर्न र अपराधीहरूलाई कडा सजाय दिन विभिन्न देशले सिफारिस गरेको बताइन् ।

मेक्सिकोले १८ वर्षमुनिका किशोरकिशोरीहरूबीचको सहमतिमा भएको यौन सम्बन्धलाई अपराधमुक्त गर्न र बालविवाह तथा किशोरावस्थाको गर्भावस्था रोक्न बहुक्षेत्रीय समन्वयमा जोड दिन सुझाव दिएको छ । विद्यालयभित्र र बाहिर बृहत् यौनिकता शिक्षाको पहुँच सुनिश्चित गर्नुपर्ने विषयलाई पनि अन्तर्राष्ट्रिय समुदायले प्राथमिकतामा राखेको छ ।

 

आगामी कार्यदिशा र दायित्व

नेपाल सरकारले सन् २०२६ को जुन÷जुलाईमा हुने राष्ट्र संघको सत्रअघि यी सिफारिसहरूमाथि आफ्नो अन्तिम प्रतिक्रिया पेश गर्ने तयारी गरिरहेको छ । कार्यशालामा युपिआर प्रक्रियालाई पारदर्शी बनाउन र सरकारलाई जवाफदेही बनाउन सञ्चारमाध्यमको भूमिका महत्त्वपूर्ण हुने औंल्याइएको छ ।

एफडब्लुएलडीका सूचना अधिकारी विनोदचन्द्र देवकोटाले विश्वव्यापी आवधिक समीक्षाका क्रममा प्राप्त सुझावहरू स्वीकार र कार्यान्वयन गर्नु नेपालको संवैधानिक तथा अन्तराष्ट्रिय दायित्व भएको बताए । किरण कुँवरले सञ्चालन गरेको उक्त कार्यक्रममा प्रजनन स्वास्थ्य अधिकार, सम्मानजनक प्रसूति सेवा र लैङ्गिक विभेद अन्त्यका लागि राष्ट्रिय रणनीतिहरूको प्रभावकारी कार्यान्वयनमा सहभागीहरूले जोड दिएका थिए ।

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

सभामुख अर्यालद्वारा भीमफेदी दुर्घटनाका पीडित परिवारसँग भेट

सर्लाही ,३० कार्तीक। प्रतिनिधिसभाका सभामुख डोलप्रसाद (डीपी) अर्यालले सर्लाहीको चक्रघट्टा गाउँपालिका–४, सुन्दरपुर पुगेर मकवानपुरको भीमफेदीस्थित चिसापानी गढीमा भएको सवारी दुर्घटनामा ज्यान गुमाएका व्यक्तिका परिवार तथा

बझाङमा अटो दुर्घटना हुँदा तीन जनाको मृत्यु, एक बेपत्ता

बझाङ ,३० कार्तीक। बझाङको बुंगल नगरपालिका–१० टुमेडामा अटो दुर्घटना हुँदा तीन जनाको मृत्यु भएको छ ।सोमबार बिहान करिब १०ः२० बजे टुमेडा गाउँबाट सोहि ठाउँ को

छठको बहानामा मधेसमा शीर्ष नेताको दौडधुप : धार्मिक आस्था कि राजनीतिक रणनीति ?

काठमाडौं ,३० कार्तीक। सत्तारूढ रास्वपाका सभापति रवि लामिछाने यसपटक छठ मनाउन मधेसका विभिन्न धार्मिक स्थल पुग्नु भएको छ । शनिबार नै तराई झर्नु भएको उहाँ

रारा जाँदै गर्दा दुर्घटनामा परेका घाइतेको सेनाद्वारा उद्धार

मुगु ,३० कार्तीक। मुगुको रारा ताल जाने क्रममा हाइलक्स जिप दुर्घटनामा परी घाइते भएका दुई जनालाई नेपाली सेनाको हेलिकोप्टरमार्फत उद्धार गरिएको छ ।आइतबार मुगुको छायानाथ

बिरिङ खोला छठ पूजामा विवाद गर्ने युवक स्कुटरसहित नियन्त्रणमा

झापा, ३० कात्तिक । झापाको कन्काई नगरपालिका ८ स्थित बिरिङ खोलामा आयोजित छठ पूजामा विवाद गर्ने एकजना युवकलाई प्रहरीले पक्राउ गरेको छ ।गएराति ११ :

छठ पूजास्थल तोडफोड आरोपमा सुनसरीबाट दुई जना पक्राउ

झापा, ३० कात्तिक । सुनसरीको हरिनगर गाउँपालिका–६ स्थित छठ पूजास्थलमा तोडफोड गरेको आरोपमा प्रहरीले दुई जनालाई पक्राउ गरेको छ।जिल्ला प्रहरी कार्यालय सुनसरीका अनुसार पक्राउ पर्नेहरुमा