दमक/
दमकमा बुधबार दिउँसो एक हुल महिलाहरु सडकमा उत्रीए । सबैको हातमा एक एक वटा प्ले कार्ड बोकिएको थियो । प्ले कार्डमा महिला हिंसा अन्त्यको माग लेखिएका विभिन्न नारा लेखिएका थिए ।
उठ नारी अति भो, सहेर बस्दा क्षती भो, हिंसा रहित समाजको निर्माण गरौ, बालिकालाइ न्याय दे,बलत्कारी खुलेआम बलतकृत गुमनाम, हत्यारालाई फाँसी दे , बालिला बलात्कार गर्नेलाई कित लिङ्ग मासिदेउ कि त अब फाँसी देउ जस्ता नारा लेखिएका प्ले कार्ड बोकेर दमकका महिलाहरुले पैदल र्याली निकालेनिकाले।
मेची महाकाली बुहारी संयुक्त आवाज उपशाखा दमकले आयोजना गरेको र्याली महिला र बालिका बलात्कारको घटनाका विरुद्ध थियो ।
केहि दिन अघि मोरङकी १८ महिने बालिका करिस्मा मण्डलको बलात्कार पछि हत्या भएको विरुद्धमा मेची महाकाली बुहारी संयुक्त आवाजले र्याली निकालेको हो ।
र्याली दमक को गणतन्त्र चोकमा भेला भएर सुरु भएको थियो । त्यहाबाट फर्निचर लाईन को बाटो हुँदै नमुना मार्ग हुँदै थानारोडबाट पुनः गणतन्त्र चोकमा सभा बिसर्जन भएको थियो ।
महिला र वालिकालाई बलात्कार गर्ने घटना दिन दिनै बढी रहेकोले यसका विरुद्ध सबै एकजुट हुन पर्ने दमक उपसाखा संयोजक जमुना निरौला अधिकारीले बताउनु भयो ।
बलात्कारलाई फासिको सजाय दिन समेत माग गरिएको उहाले जानकारी दिनु भयो । यसकालागि समाजका सबै पक्ष एकजुट हुन आवश्यक रहेको पनि निरौलाले औल्याउँनु भएको छ ।
