काठमाडौं– बागमती प्रदेशसभा बैठक आज (मंगलबार) दिउँसो १ बजे बस्ने गरी बोलाइएको छ। आजको प्रदेशसभा बैठकमा गत फागुन २९ र ३० गतेको बैठकमा पेस भएका तीन विधेयकमा छलफल हुने कार्यसूची रहेको छ।
आज प्रदेश ऐन, प्रदेश विपद् व्यवस्थापन ऐन २०७५ लाई संशोधन गर्न बनेको विधेयक, प्रदेश सञ्चारमाध्यम व्यवस्थापन ऐन २०७५ लाई संशोधन गर्न बनेको विधेयक र प्रदेश अनुसन्धान ब्यूरो सेवाको गठन, स्थापना, काम, कर्तव्य र अधिकार सम्बन्धमा व्यवस्थापन गर्न बनेको विधेयक स्वीकृत गर्ने कार्यसूची रहेको प्रदेश सभा सचिव कृष्णहरि खड्काले बताए।
उहाँका अनुसार सो विधेयक सरकारका प्रवक्ता एवं आर्थिक मामिला तथा कानुनमन्त्री कृष्णप्रसाद शर्मा खनालले बैठकमा स्वीकृतका लागि पेस गर्नेछन्।
बागमती प्रदेशसभामा हाल १०९ सदस्य छन्।
