झापा /
झापा र मोरङ भएको दुई छुट्टाछुट्टै सवारी दुर्घटनामा परी दुई जनाको मृत्यु भएको छ । झापाको बुद्धशान्ति गाउँपालिका १ मा दक्षिणबाट उत्तर तर्फ जाँदै गरेको नम्बर उल्लेख नभएको मोटरसाइकल आफै अनियन्त्रित भई ट्रकमा ठोक्किँदा घाइते भएका मोटरसाइकल चालक बुद्धशान्ति गाउँपालिका ४ का २५ वर्षीय अञ्जन फागोको उपचारको क्रममा बिएण्डसी अस्पताल बिर्तामोडमा उपचारको क्रममा मृत्यु भएको हो ।
त्यस्तै मोरङको बुढिगंगा गाउँपालिका १ गंगाचोकमा ना ३ ख २३९ नम्बरको कन्टेनर र स १० प २८८६ नम्बरको मोटरसाइकल एक आपसमा ठोक्किँदा मोटरसाइकल चालकको मृत्यु भएको हो । उत्तरबाट दक्षिण तर्फ जाँदै गरेको कन्टेनरमा सोही दिशाबाट जाँदै गरेको मोटरसाइकल ठोकिदा घाइते भएका मोटरसाइकल चालक मोरङ टंकिसिनवारीका २५ वर्षीय किशोरकुमार माझीको उपचारको क्रममा विराटनगरको टिचिङ अस्पतालमा मृत्यु भएको प्रहरीले जनाएको छ ।
