काठमाडौं,१४ साउन । कुमारी बैंक लिमिटेडले २ लाख ५८ हजार २०९ कित्ता संस्थापक शेयर बिक्रीमा ल्याएको छ।
नेपाल राष्ट्र बैंकको व्यवस्था अनुसार संस्थापक शेयर बिक्री गर्दा पहिलो प्राथमिकता हाल कायम संस्थापक शेयरधनीलाई दिनुपर्ने भएकाले बैंकले उनीहरूलाई आवेदन दिन आग्रह गरेको हो।
इच्छुक संस्थापक शेयरधनीले सूचना प्रकाशित भएको मितिले ३५ दिनभित्र शेयर खरिदका लागि आवेदन दिन सक्नेछन्।
आवेदन काठमाडौं नक्सालस्थित कुमारी क्यापिटल लिमिटेड वा टंगालस्थित कुमारी बैंकको प्रधान कार्यालय मा बुझाउनुपर्नेछ।
बैंकका अनुसार शेयरको मूल्य भने बिक्रेता संस्थापक शेयरधनीले तोकेको मूल्यअनुसार निर्धारण हुनेछ। तोकिएको समयभित्र हालका संस्थापक शेयरधनीबाट आवेदन नआएमा बैंकले अन्य प्रक्रिया अघि बढाउने जनाएको छ।
