काठमाडौ , १० भदौ। रसुवामा बुधबार बिहान गएको बाढीका विषयमा प्रधानमन्त्री बालेन्द्र शाहले विपद् जोखिम न्यूनीकरण तथा व्यवस्थापन राष्ट्रिय परिषद्को बैठक बोलाउनुभएको छ। सिंहदरबार स्थित प्रधानमन्त्री तथा मन्त्रिपरिषद्को कार्यालयमा परिषद्को बैठक जारी छ। बैठकमा नेपाली सेनाको तर्फबाट बाढीले पुर्याएको क्षतिको प्रारम्भिक विवरणबारे ब्रिफिङ भइरहेको प्रधानमन्त्री सचिवालयले जनाएको छ।
बैठकमा बाढीबाट भएको क्षतिको पूर्ण विवरण प्रस्तुत गरिनुका साथै प्रभावित क्षेत्रमा तत्काल उद्धार, राहत तथा अन्य आवश्यक व्यवस्थापनका लागि चाल्नुपर्ने कदमबारे निर्णय गरिनेछ। बाढीबाट भएको मानवीय तथा भौतिक क्षतिको विवरण संकलन गर्ने र प्रभावित क्षेत्रमा तत्काल आवश्यक सहयोग पुर्याउने विषयमा पनि बैठक केन्द्रित हुने जनाइएको छ।प्रधानमन्त्री सचिवालयका अनुसार बैठकबाट बाढीपछिको अवस्थालाई सम्बोधन गर्न आवश्यक तत्कालीन निर्णय लिइनेछ।
