भद्रपुर, ९ कात्तिक । झापाको भद्रपुरमा सामान्य विवादका क्रममा दाजुले छुरा प्रहार गर्दा भाइ गम्भीर घाइते भएका छन्।भद्रपुर नगरपालिका–५ सुन्दर बस्ती बस्ने ३२ वर्षीय कुबराज हस्दाले गएराति करिब १० : २० बजे आफ्नै ३० वर्षीय भाइ बाबुलाल हस्दा माथि धारिलो हतियार (छुरा) प्रहार गरेका हुन्। सामान्य विषयमा भनाभन हुँदा कुबराजले भाइमाथि आक्रमण गरेको प्रहरीले जनाएको छ।
छुरा प्रहारबाट बाबुलालको घाँटीको पछाडिको भाग र गालामा गहिरो चोट लागेको छ। घाइतेको हाल प्रादेशिक अस्पताल भद्रपुरमा उपचार भइरहेको छ।घटनास्थलबाट प्रहरीले आक्रमणमा प्रयोग गरिएको छुरा नियन्त्रणमा लिएको छ। घटनालगत्तै फरार भएका आरोपी कुबराजको खोजी कार्य तीव्र पारिएको प्रहरीले जनाएको छ।
