दमक/
नेपाली कथानक चलचित्र ‘तिम्रो मेरो साथ’को निर्माता र कलाकारको टिम झापाको दमकमा आएको छ । यो टिम चलचित्रको बारेमा जानकारी गराउन र हेर्न अनुरोध गर्दै मोफलर ‘टुर अन्तर्गत दमक आएको हो ।
शुक्रबार दमक स्थित डि म्याक्स हलमा आएर यहाँ रहेका सञ्चारकर्मीसँग कुराकानी गर्दै चलचित्रको बारेमा जानकारी गराइएको थियो ।
चलचित्रका निर्माता तथा निर्देशक रमेश एम के पौडेलले चलचित्रको कथा बस्तु अहिलेको पारिवारिक तथा ‘लभ एट्र्याक्सन’मा केन्द्रित रहेको बताउनु भयो । ‘जीन्दगी जिउँनकालागि एक अर्काको साथको महत्व कति सम्मको हुन्छ भन्ने कुरा देखाउने प्रयास गरेका छौ ।’ रमेश भन्नु हुन्छ ‘ फिल्म हेरेर बाहिर निस्केपछि यदी तपाईको कोहिसँग कुनै पलमा बिछोड भएको थियो भने पक्कै कल गरेर सम्झनु हुने छ ।’
कलाकार सन्दिप क्षेत्रीले चलचित्र एक पूणर् मनोरञ्जनात्मक रहेको बताउनु भयो । अन्यमा भन्दा यो चलचित्रमा आफुलाई फरक भूमिका देख्न पाउँने भन्दै सन्दिप भन्नु हुन्छ ‘ पढेर डाक्टर बन्न सकेको थिइन तर तिम्रो मेरो साथमा एक डाक्टर बनेर तपाई माझ आएको छु ।’
यो चलचित्र ३१ दिनमा छायंकन भइकसेको थीयो । कोरोनाको समयमा छायंकन भएको यो चलचित्रमा काम गर्न पाउँदा आफुहरुकालागि एक अवसर पनि मिलेको चलचित्रकी नायीका सम्राज्ञी आर एल शाहले बताउनु भयो ।‘त्यो बेला हामी कलाकारका लागि एक राहतको प्याकेज बनेर चलचित्र तिम्रो मेरो साथ आयो ।’ सम्राज्ञी भन्नु हुन्छ त्यसबेलाको चुनौती र अहिले चलचित्र तयार भएपछि प्रर्दशनको तयारी सम्मको अवधि हाम्रो लागी एक संघर्षको यात्रा बन्यो । अव पुष २९ गते हाम्रो कलाले कस्तो पुरस्कार पाउँछ त्यो भने हेर्नै बाँकी छ ।’ चलचित्रमा आफुहरुले निकै मिहनत गरेको र दिनमा दुई तीन घण्टा मात्रै आराम गरेर बाँकी समय छायंकन गरेको पल सम्झदा दर्शकले आफुहरुलाई माया गर्ने सम्राज्ञीको अपेक्षा छ ।
यस चलचित्रका नायक पुष्प खड्का यो चलचित्रमा एक बिजनेश मेनको रुपमा देखिनुहुने छ । ‘ मनोरन्जनको एक प्याकेज लिएर हामी आएका छौ , चलचित्र हेरेर माया गरिदिनुहोला ’ पुष्पले अनुरोध गर्नु भयो ।
यो चलचित्र यहि पुष २९ गतेबाट देशभरबाट एकै साथ प्रदर्शन हुँदै छ ।यती मात्र नभएर चलचित्रले विदेशका सिनेमा घरमा पनि आफ्नो स्थान पाएको छ । विभिन्न देशमा गरि ७० वटा सिनेमा हलमा पनि पुष २९ गते नै प्रर्दशन हुदै छ । साथै अन्य ११ देशबाट पनि चलचित्र प्रर्दशन गर्ने माग आइसकेको निर्देशक रमेशले जानकारी दिनुभयो । यो चलचित्र २ करोड रुपैँयाको लगानीमा निर्माण भएको हो ।
चलचित्र कस्तो छ र किन हेर्ने भन्नेबारेमा निर्माता तथा कलाकारले गरेको अनरोधको भिडियो यहाँ राखीएको छ ।
