दमक/
महिलालाई विशेषगरी पहिलो बच्चा प्राप्तिपछि सुरुवाती क्षणमा प्रत्येक दिनको व्यस्थापन निकै चुनौतीपूणर् हुन्छ । बच्चाको स्याहारमा सम्पूणर् ध्यान दिनुपर्ने हुन्छ भने आमाले आफ्नो स्वास्थ्यको पनि ख्याल गर्नुपर्ने हुन्छ । सुत्केरी अवस्थाबाट छिटो रिकभर हुने एउटा मात्र उपाय भनेको स्वस्थ र पोसिलो खाना हो ।
यो समयमा महिलाको टिस्यु ड्यामेज हुने भएकाले टिस्यु रिकभरीका लागि पनि पौष्टिक आहार जरुरी हुन्छ । आमाको दूध बच्चाले खाइरहने हुनाले झोलिलो खानेकुरा पनि खानुपर्छ । तर यो कुरा गरिव तथा असहाय परिवारमा भने पुग्नै गाह्रो छ । यहि कुरालाई मध्यनजर गरेर झापा स्थ्ति दमक नगरपालिकाले सुत्केरी पोषण खाना वितरण गरेको छ
झापाको दमक नगरपालिका वडा नं ३ का दिल बहादु्र मगर पेषाले त्यहि रहेको एउटा समुदायीक वनमा सुरक्षा गार्डको काम गर्नु हुन्छ । मासीक ११ हजार उहाँको कमाई हो । यो कमाईनै उहाँको ५ जना परिवार पाल्ने प्रमुख आम्दानीको श्रोत । करिव २१ दिन अघि उहाँकी श्रमती दुर्गा देवि मगर सुत्केरी हुनुभयो । सुत्केरी गराउँदा पनि दमकमा रहेका अस्पतालमा नभएपछि विराटनगर लैजान पर्योे । सिमित आय श्रोत हुनु भएका दिल बहादुरलाई श्रीमती सुत्केरी गराउँदै हजारौको ऋण लाग्यो । सुत्केरी श्रीमतीलाई पोषिलो खानेकुरा खुवाउन पर्छ भन्ने उहाँलाई थाह छ । तर उहाँसँग ती सामाग्री खरिद गर्ने आर्थिक हैसियत छैन ।
श्रीमतीले पोषिले खानेकुरा खान नपाउँदा ज्यान सुक्ने भयो । रोग अझै बढ्ने भयो भन्ने चिन्तामा हुनुभएका उहाँलाइ दमक नगरपालिकाले सुत्केरीलाई लक्षीत गरेर झण्डै एक महिना सम्मलाई पुग्ने पोषिलो खानेकुरा दिएपछि उहाँको मुहारमा अहिले केहि चमक आएको छ । अप्ठ्यारो परिस्थितीमा नगरपालिकाले गरेको यो सहयोगको आफुँ सँधै ऋणी हुने भन्दै खुसीले गहभरी आँशु पनि पार्नु भयो ।
शुद्ध मन्सुली चामल २५ केजी, बिभिन्न गेडागुडी मिसाएर २ केजी, नौनी घ्यू १ केजी, कुखुराको अण्डा १ क्यारेड, सुत्केरी मसला १ केजी र मौरीको मह आदा केजी गरि करिव ३ हजार ९ सय ४० रुपैँया बराबरको सुत्केरी पोषण् आहार दमकका रहेका सबै विपन्न परिवारका सुत्केरी महिलाहरुलाई प्रदान गरिने दमक नगरपालिकाको स्वास्थ्य शाखाका स्वास्थ्य सहायक कुवेर भट्टराईले जानकारी दिनुभयो । वडा कार्यालयको सिफारिसमा आधारमा नगरपालिकाले ती सामाग्री वितरण गर्ने गरेको भट्टराईले बताउनु भयो ।
नगरपालिकाले यो वर्ष ७ लाख ५० हजार रुपैँया बराबरको सामाग्री खरिद गरेर दमकमा रहेका विपन्न परिवारका सुत्केरी महिलाहरुलाई पौष्टिक खाना दिनेगरिको योजना बनाएको छ । पहिलो चरणमा ७ जनाले यो सुविधा लिसक्नु भएको छ । वडाको सिफारिसमा आउने सबैलाई यो आर्थिक वर्षभरि वितरण गरिने जनाइएको छ ।
यो कार्यक्रमले दमकमा रहेका विपन्न परिवारका सुत्केरी महिलाहरु लाभान्वित हुने विस्वास गरिएको नगरपालिकाकी उप प्रमुख गीता अधिकारी बताउनु हुन्छ ।
यो सुविधा लिनकालागि सुत्केरी भएको २ महिना नपटेको अस्पतालको प्रमाणपत्र, वडा कार्यालयको सिफारिस पत्र , पारिवारिक लगत कार्डको प्रतिलिपि र शिशुको जन्मदर्ताको प्रतिलिपि चाहिन्छ । यी कागजात लिएर दमकगर नगरपालिकाको स्वास्थ्य शाखामा गए तुरुन्तै प्राप्त गर्न सकिने जनाइएको छ ।
