दमक/
दमकका धेरै विद्यार्थीहरु बिज्ञान विषय पढ्न दमक बाहिर जाने गरेका छन् । दमकमै सुविधा सम्पन्न ल्यावहरुको अभाव र दक्ष जनशक्तिको अभाव रहेको भन्दै गुणस्तरिय शिक्षा आर्जन गर्न विद्यार्थीहरु दमक बाहिर जाने गरेका हुन ।
तर पछिल्लो समय दमकमा पनि बिज्ञान विषयको पढाई व्यवस्थित तरिकाले हुने गरेको छ । दमक ४ कृष्णमन्दिर चोक देखी उत्तर तर्फ रहेको पाथीभरा अग्रेजी माद्यमिक विद्यालयले दमकमा दक्ष जनशक्ति सहित गुणस्तरिय ढंगबाट बिज्ञान विषय पढाउन थालेको जनाइएको छ ।
विद्यालय सञ्चालक समिती अध्यक्ष पारसमणी नेपालका अनुसार बिज्ञान विषय पढ्न दमक बाहिर जान नपरोस भनेर सबै प्रकारका ल्याव सहित सुविधा सम्पन्न ढङ्गले अध्यापन गराउन थालीएको बताउनु भयो ।
‘अघिल्लो वर्ष देखी हामीले दमकमा विज्ञान विषयलाई सैद्धान्तीक साथै हरेक सिद्धान्तलाई प्रयोगात्मक ढङ्गले पढाउन सबै खाले ल्यावहरु स्थापना गरेका छौ । ’नेपाल भन्नु हुन्छ दमकमा यस्तो खालको ल्याव र जनशक्ति कहि पनि छैन । पढाईको कुरामा हामी निकै संवेदनशिल भएर लागेका छौ ।’
नेपालले पाथीभरा अग्रेजी माद्यमिक विद्यालय कसरी स्थापना गरियो र बिज्ञान विषय कसरी प्राथमिकतामा पर्यो भन्नेबारेमा बताउनु भएको भिडियोलाई यहाँ राखीएको छ ।
‘बिज्ञान पढे भविष्यमा जुनसुकै क्षेत्रमा काम लाग्ने ’
यहि स्कुलका प्रन्सिपल राजन सिग्देल दमकमा विज्ञान विषय पढाउने सन्दर्भमा अनुभवी हुनुहुन्छ । दुई दशक भन्दा लामो समय देखी बिज्ञान विषय अध्यापन गराउनु भएका सिग्देल भन्नु हुन्छ ‘विज्ञान विषय पढ्ने कोहि पनि विद्यार्थी पछुताउने छैनन् ।’
विज्ञान विषय पढनेहरुले भविष्यमा जुनसुकै क्षेत्रमा गएर काम गर्न, पढ्न सक्ने समे भएकोले उज्वल भविष्य यहि विषयबाट हुने उहाँले उल्लेख गर्नुभयो । विज्ञान पढ्नेहरु पछि गएर इन्जिनियर, डाक्टर तथा अन्य वा अनुसन्धानकर्ता समेत बन्न सकिने छ । विचमा यो विषय पढ्न मन लागेन भने अन्य विषय पनि पढ्न सहज हुने भएकाले यो विषय पढ्दा कहिलै पनि कुनै दुविधा नहुने सिग्देलले उल्लेख गर्नुभयो ।
सिग्देलले विज्ञान विषयको महत्वका बारेमा बोल्नु भएको भिडियोलाई यहाँ राखीएको छ ।
