दमक, २९ भदौ / ‘बालबालिकामा लगानी, सुनिश्चित भविष्यको थालनी’ भन्ने मूल नाराका साथ ६० औं राष्ट्रिय बाल दिवसको अवसरमा शनिबार नगरपालिकाको आयोजनामा दमकमा वक्तृत्वकला र पथरी शनिश्चरेमा निवन्ध लेखन तथा वक्तृत्वकला प्रतियोगिता सम्पन्न भएको छ ।
पथरीको सिन भिलेज पार्टी प्यालेसमा नगरपालिकाले आयोजना गरेको निवन्ध लेखन तथा वक्तृत्वकला प्रतियोगिता सम्पन्न भएको हो । जसअन्तर्गत निवन्ध लेखन प्रतियोगितामा सामुदायिक विद्यालययतर्फ जनता माविकी जुनिता लम्साल प्रथम, पञ्चायत माविकी रेनशा राई दोस्रो, बुद्ध माविका निरज बिष्ट तेस्रो हुनु भयो । यस्तै निजी विद्यालयतर्फ एभरेष्ट ई.बो.स्कुलकी सुहाना दाहाल प्रथम, वाल्मीकि मे.से.स्कुलकी प्रतिष्ठा खत्री दोस्रो, किरात एकेडेमीकी युनिशा रोक्का तेस्रो बन्नु भयो । 
यस्तै वक्तृत्वकला प्रतियोगितामा सामुदायिक विद्यालयतर्फ पञ्चायत माविकी निवा चेम्जोङ प्रथम, सिंहवाहिनी माविका अग्रिम खड्का दोस्रो र सिंहवाहिनी माविकी ममता राई तेस्रो हुनु भयो । यस्तै निजी विद्यालयतर्फ वाल्मीकि मे.से.स्कुलकी रक्षा अधिकारी प्रथम, एभरेष्ट ई.बो.स्कुलकी पूजा रिजाल दोस्रो, न्यू पेगोडा ई.बो. स्कुलकी इसिका गुरागाई तेस्रो भएर पुरस्कृत बन्नु भयो ।
कार्यक्रममा प्रथम, दोस्रो र तेस्रो हुने प्रतियोगीहरुलाई नगर उप–प्रमुख देवीमाया काफ्लेले फूलमाला, अविर, प्रमाण पत्र र नगद सहित सम्मान गर्नुभयो । कार्यक्रममा नगरको सामाजिक विकास शाखा प्रमुख ताराप्रसाद ढकाल, सृजना भट्टराई, समाजसेवी दुर्गा सुवेदी दंगाल लगायतको उपस्थिति रहेको थियो । पुरस्कार वितरणअघि विभिन्न साँस्कृतिक नृत्य, गायन, कविता वाचन लगायतका कार्यक्रमहरू भए ।
नगरपालिकाको सहयोगमा नगर बाल सञ्जाल दमकले राष्ट्रिय बालदिवसको अवसरमा बाल मैत्री नगरको परिकल्पना विषयक माध्यमिक विद्यालय स्तरीय वक्तृत्वकला प्रतियोगिता सम्पन्न गरेको छ । कार्यक्रममा नगर प्रमुख रामकुमार थापा र उपप्रमुख रेगिना भट्टराई प्रसाईसहितले पुरस्कार प्रदान गर्नु भयो ।
