दमक, असोज ३०
आश्विन शुक्लपक्ष चतुर्दशी र पूणर्िमा पनि आजै परेकाले मान्यजनबाट आशीर्वादस्वरुप नवदुर्गाको प्रसादका रुपमा यस वर्षको बडादशैँको टीका र जमरा लगाउने अन्तिम दिन आज हो ।
सूर्योदय कालमा चतुर्दशी र मध्यरातमा पूणर्िमा तिथि परेकाले कोजाग्रत पूणर्िमा आजै परेको नेपाल पञ्चाङ्ग निणर्ायक विकास समितिले जनाएको छ । कोजाग्रत पूणर्िमाका दिन राति जाग्राम बसी महालक्ष्मीको पूजा आराधना गरिन्छ ।
साँझमा पूणर्िमा तिथि पर्दा गरिने पूणर्िमा व्रत भने कात्तिक १ गते बिहीबार परेको समितिका सदस्य एवं वाल्मीकि विद्यापीठ धर्मशास्त्र विभागका प्रमुख प्रा. डा. देवमणि भट्टराईले जानकारी दिनु भयो ।
आश्विन शुक्ल प्रतिपदादेखि नवमीसम्म नवदुर्गाको साधना गरिएको प्रसादस्वरुप विजयादशमीका दिनदेखि सुरु भएको टीका र जमरा लगाउने क्रम रहने गरेको छ ।
मान्यजन टाढा टाढा हुने आफन्त विजयादशमीदेखि आश्विन शुक्ल पूणर्िमासम्म आशीर्वाद थाप्न घर घरमा जाने गर्छन् । आफन्त टाढा हुनेका लागि बडादशैँ नवदुर्गाको प्रसाद र आशीर्वाद लिनुका साथै भेटघाट गर्ने अवसर पनि हो ।
महाअष्टमी र महानवमीका दिन सुनसान प्रायः देखिएको राजधानी काठमाडौंमा विजयादशमीदेखि नै चहलपहल बढ्न थालेको थियो ।
बडादशैँको सार्वजनिक बिदा सोमबार सकिएर मङ्गलबारदेखि सरकारी कार्यालय खुलेका छन् । टीका र आशीर्वाद थाप्ने क्रम भने कोजाग्रत पूणर्िमामा अखिल बलि पूर्ति नभएसम्म निरन्तर चलिरहने शास्त्रीय व्यवस्था रहेको छ ।
यस वर्ष आज अखिल बलिपूर्ति र कोजाग्रत पूणर्िमा तथा कात्तिक १ गते बिहीबार पूणर्िमा व्रत परेको नेपाल पञ्चाङ्ग निणर्ायक विकास समितिले स्वीकृति दिएको पात्रो (पञ्चाङ्ग) मा उल्लेख छ । कात्तिक १ गतेदेखि नेपालीको महान् चाड दशैँ समापन हुन्छ ।
