काठमाडौ ,मंसिर १२
नेपाल विद्युत प्राधिकरण बोर्ड बैठकले डेडिकेटेड फिडर र ट्रंकलाइन बिजुली उपभोग गरी बिल भुक्तानी बक्यौता रहेका उद्योगहरूको लाइन नकाट्ने निणर्य गरेको छ ।
बुधबार बसेको प्राधिकरण बोर्ड बैठकले विद्युत नियमन आयोगको पत्रअनुसार उद्योगहरूमा लाइन नकाट्ने निणर्य गरेको प्राधिकरणका प्रवक्ता चन्दनकुमार घोषले जानकारी दिनुभयो ।
प्राधिकरणले आज बुधबार उद्योगहरूमा पुनः लाइन काट्नसक्ने देखेपछि मंगलबार विद्युत नियमन आयोगले प्राधिकरणलाई पत्र लेख्दै उद्योगमा लाइन नकाटी बक्यौता उठाउन निर्देशन दिएको थियो ।
आयोगको सोही निर्देशनको आधारमा बक्यौता बाँकी रहेका उद्योगमा पुनः लाइन नकाट्ने निणर्य बोर्डले गरेको प्राधिकरणका प्रवक्ता घोषले बताए ।
