दमक, पुस ४
सिक्किमका साहित्यकार युवा बरालको कथा संग्रह ‘छिचिमिरा’ लाई भारतको प्रतिष्ठित साहित्यिक सम्मानका रुपमा रहेको साहित्य अकादमी पुरस्कार २०२४ प्रदान हुने भएको छ ।
भारतको राष्ट्रिय साहित्यिक संस्थाका रुपमा रहेको साहित्य अकादमीले प्रत्येक वर्ष भारतीय संविधानको आठौँ अनुसूचीमा रहेका नेपालीसहितका २२ भाषाहरूका साथै अंग्रेजी र राजस्थानी भाषामा प्रकाशित उत्कृष्ट साहित्यिक कृतिहरूका लेखकहरूलाई प्रदान गर्ने गर्छ । यस क्रममा यो वर्षको पुरस्कार बराललाई प्रदान हुने निणर्य आएको सिक्किमकी साहित्यकार जीविका अश्रुले जानकारी गराउनु भयो । पुरस्कार ८ मार्च २०२५ मा नयाँ दिल्लीमा हुने पुरस्कार वितरण समारोहमा प्रदान गरिनेछ ।
साहित्य अकादमी पुरस्कारका लागि पुस्तकहरू भाषा विशेषका तीन सदस्यीय निणर्ायकद्वारा चयन गरिन्छ । सो प्रक्रियाअनुसार, कार्यकारी बोर्डले निणर्ायकहरूद्वारा गरिएका सर्वसम्मत चयनहरू वा बहुमत मतदानबाट चयन गरिएका निणर्यहरूका आधारमा पुरस्कारहरू घोषणा गर्ने गर्छ ।
