दमक, पुष १४
दमक जेसीजको अध्यक्षमा दमक ५ निवासी सहदेव भट्टराई निर्वाचित बन्नु भएको छ ।
दमक जेसीज वर्ष २०२५ कालागि उहाँले निरज आचार्यलाई पराजित गर्दै निर्वाचित बन्नु भएको हो ।
दमक जेसीजको नयाँ नेतृत्व चयनका लागि ४४ औं बार्षिक साधारण सभा अन्तर्गत आइतबार भएको निर्वाचनमा
निर्वाचनमा भट्टराई ५९ मत प्राप्त गर्दै विजयी हुनुभयो भने आचार्यले ४२ मत प्राप्त गरि उपबिजेता बन्नु भयो ।
दमक जेसीजले पूर्व अध्यक्ष सञ्जीब बरालको संयोजकत्वमा निर्वाचन समिति गठन गरेको थियो । समितिले दुई जना कार्यकारिणी उपाध्यक्षमा रुवल अधिकारी र पुजन चौधरी निर्विरोध निर्वाचित भएपछि अध्यक्षसहित चार उपाध्यक्षका लागि निर्वाचन गरेको थियो ।
चार उपाध्यक्षहरुमा सरिता बराल, निसम अधिकारी, धर्म ढुंगाना र सुमन कुमाल बिजयी हुनुभएको छ ।
त्यसैगरी जनसम्पर्क अधिकारीमा विशाल अधिकारी र तालिम निर्देशकमा कृष्ण भट्टराई निर्विरोध निर्वाचित बन्नु भएको निर्वाचन समितिले जनाएको छ ।
जेसीज विधान अनुसार महासचिव पदसहित अन्य विभिन्न पदमा मनोनित गरेर बर्ष २०२५ को टिमलाई पूर्णता दिइनेछ ।
