बर्दिया, पुष १५
बाघका लागि प्रख्यात बर्दिया राष्ट्रिय निकुञ्जलाई समेटेर पूरै बर्दिया जिल्लाकै पर्यटकीय गन्तव्यको प्रवद्र्धन गर्न ‘घुम्न जाऔं बर्दिया’ अभियान थालिएको छ।बर्दिया भन्ने बित्तिकै दिमागमा बर्दिया राष्ट्रिय निकुञ्ज र बाघको तस्वीर आउँछ।
यस बाहेक पनि बर्दियामा पर्यटक लोभ्याउने गन्तव्य छन्. यी सबैलाई समेटेर बर्दियाको ‘ब्रान्डिङ’ गर्न नयाँ अभियान थालिएको छ, ‘घुम्न जाऔं बर्दिया’।लुम्बिनी प्रदेश सरकारले बर्दियाको ठाकुरबाबा नगरपालिकासँगको समन्वयमा पुस ४ मा अभियान शुरू गरेको हो।
देशकै प्रमुख पर्यटकीय गन्तव्यमा पर्ने बर्दियालाई लक्षित गरेर अभियान शुरू गरिए पनि यसले लुम्बिनी प्रदेशकै गन्तव्यको प्रवद्र्धन हुने विश्वास गरिएको छ।बर्दियाको प्रमुख पर्यटकीय गन्तव्यमध्ये एक हो, बर्दिया राष्ट्रिय निकुञ्ज। बर्दियाको मुख्य आकर्षण बाघ नै हो।
बाघ हेर्न बर्सेनि हजारौं आन्तरिक तथा बाह्य पर्यटक त्यहाँ पुग्छन्. “बाघसँगै जंगल सफारी अर्को आकर्षण हो,”बर्दिया पुग्ने प्रायः पर्यटक जंगल सफारी गर्छन्. त्यसमा पनि आन्तरिक पर्यटकलाई थप आकर्षित गर्न ‘घुम्न जाऔं बर्दिया’ अभियान थालिएको हो ।
