दमकमा तोकियो ‘फोहोर मैला निषेधित’ क्षेत्र, कहाँ कहाँ छन् ?

दमक, माघ २९
दमक नगरपालिकाले फोहोरको व्यवस्थापन गर्न बिभिन्न कार्यक्रमहरु गरिरहेको छ । टोल टोलमा गएर सचेतना जगाउँने देखि लिएर घरको फोहोर घरभित्रै व्यवस्थापन गर्ने सम्मका काम गरिरहेको छ । विभिन्न सरोकारवालाहरुसग हरेक दिन जसो फोहोर व्यवस्थापनको बारेका छलफल र अन्कृया गर्दै प्रतिवद्धता पनि गराउने काम गरिरहेको छ । यी काम गरेपछि नागरीकहरुमा फोहोरको व्यवस्थापन सम्बन्धीको सचेतना बढ्यो भन्नेमा नगरपालिका ढुक्क देखिन थालेको छ । किनकी अव फोहोरमैला निषेधीत क्षेत्र तोकेर सार्वजनीक बोर्ड समेत राख्न थालीएको छ ।

दमक नगरपालिकाको वातावरण समितीका अध्यक्ष तथा वडा नं ६ का वडाध्यक्ष टेक बहादुर थापा फोहोरमैला निषेधित क्षेत्र लेखिएको बोर्ड गाडीरहेको ठाउँमा भेटिनु भयो । उहाँले भन्नु भयो अव दमकलाई फोहोरमैला निषेधित नगर बनाउने छौ । त्यसैको अभियान स्वरुप अहिले केहि ठाउँमा निषेधित क्षेत्रको सुचना बोर्ड राख्ने काम भएको हो । यसमा केहि सहकारीहरुले सौजन्य समेत गर्नु भएको छ ।

पहिलो चरणमा मंगलबार नगरपालिका रोड, पशुपति मार्ग र बेलडाँगी रोडमा फोहोरमैला निषेधित क्षेत्रको सुचना बोर्ड राखीएको छ । यो क्रम निरन्तर चल्ने जनाइएको छ । खासगरी बजार क्षेत्रमा धेरै फोहोर उत्पादन हुने भएकोले बजार क्षेत्रलाईनै फोहोर मुक्त गर्यो भने नगर सफा र फोहोर रहित नगर बन्न सक्ने अध्यक्ष थापाले बताउनु भयो ।

कम्तिमा १ सय ठाउँमा यस खाले बोर्ड राख्दै अन्य सचेतनाका कार्यक्रम निरन्तर सञ्चालन गरेर दमक नगरपालिकालाई नै फोहोर मुक्त नगर बनाउने योजनामा नगरपालिका रहेको उहाँले बताउनु भयो । निषेधित क्षेत्रमा फोहोर फाल्नेहरुलाई ५ हजार रुपैँया नगद सहित अन्य कानुनी कार्वाहि समेत गरिने नगरपालिकाले जनाएको छ ।