दमक, फागुन १३
भारतबाट भन्सार छलेर सामान भित्र्याउँदै गर्दा महिला चालक रहेको पिकअप भेन नियन्त्रणमा परेको छ ।
सोमबार राति इलाम माइजोगमाई– १ नयाँबजारस्थित भित्री सडकखण्डमा प्रहरी टोलीले मे. १ ज १६९४ नंम्बरको पिकअप चेकजाँच गर्ने क्रममा भन्सार छली ल्याएको रक्सी र चुरोटसहित पिकअप र पिकअप चालक सन्दकपुर ५ की १९ वर्षीय महिला चालक निमा शेर्पालाई नियन्त्रणमा लिएको हो ।
इलाका प्रहरी कार्यालय पशुपतिनगर ल्याई ती सामानहरु भन्सार कार्यालय बुझाउन मुचुल्का उठाउने काम भएको जिल्ला प्रहरी कार्यालय इलामले जनाएको छ ।
