दमक, फागुन २१
पहिले पहिले स्नातकोत्तर गर्नेहरुकालागि दीक्षान्त कार्यक्रम राखिने गरेकोमा हाल आएर स्नातक तह उत्तीर्णलागि नै दीक्षान्त कार्यक्रम राखिन थालेको छ । यस सन्दर्भमा आस्था कलेज अफ मेनेजमेन्ट दमक ४ ले स्नातक उत्तीर्णकालागि भोलि दीक्षान्त कार्यक्रम गर्ने भएको छ ।
०८० सालमा बीबीएस अध्ययन पुरा गरेका १०५ जना विद्यार्थीकालागि भोलि दीक्षान्त कार्यक्रम हुने कलेजले आज आयोजना गरेको पत्रकार सम्मेलनमा क्याम्पस प्रमुख टेकनाथ भण्डारीले जानकारी गराउनु भयो । उहाँले सन् २०१५ सालमा आइएसओ ९००१ मान्यता प्राप्त कलेजले सन् २०१९ मा कोशी प्रदेशको उत्कृष्ठ उपाधि प्राप्त गर्दै नेपालको उत्कृष्ठ ३ मा आफ्नो स्थान हाँसिल गरेको इतिहास स्मरण गराउनु भयो ।
सो अवसरमा कलेजका अध्यक्ष बलभद्र कोइरालाले व्यवस्थापन संकायतर्फ उत्कृष्ठ बन्दै आएको कलेजले आगामी दिनमा विज्ञान, व्यवस्थापन अन्तर्गत एमबीएस, एमबीए, बीबीए, बीआइएम, बीएचएम लगायतका प्रविधि र सीपमूलक शैक्षिक कार्यक्रम थप गर्ने लक्ष्य लिएको बताउनु भयोे ।
दमक नगर प्रमुख रामकुमार थापाको प्रमुख आतिथ्यतामा दीक्षान्त कार्यक्रम तय गरिएको छ ।
