विराटनगर, चैत ११
प्रेस चौतारी नेपालको अध्यक्षमा गणेश पाण्डे सर्वसहमत निर्वाचित हुनुभएको छ ।
विराटनगरमा जारी १० औ महाधिवेशनको हलले पाण्डेलाई अध्यक्षमा घोषणा गरेको हो ।
निर्वाचनबाट नेतृत्व चयन हुनुपर्ने राजेश राईको माग पूरा नभएपछि उहाँले दाबेदारी फिर्ता लिएसँगै पाण्डेको नाम महाधिवेशन हलमा सर्वसम्मत घोषणा भएको प्रेस चौतारी नेपाल कोशी प्रदेशका अध्यक्ष सुमन पुरीले जानकारी दिनुभयो ।
निवर्तमान अध्यक्ष गणेश बस्नेतले अध्यक्षमा गणेश पाण्डे, उपाध्यक्ष चेतन अधिकारी, कृपा भण्डारी र महासचिव हिरामान लामाको नाम घोषणा गर्नुभएको हो ।
त्यस्तै उपमहासचिवमा हरिबल्लभ नेपाल तथा सचिवहरु बिष्णु तारुके, प्रदिप आचार्य, विक्रम लुईटेल र नरेश भण्डारी चयन हुनुभएको छ ।
यस्तै केन्द्रीय सदस्यहरुपनि सर्वसम्मत चयन भएका छन् ।
