दमक, १७ असार / पछिल्लो समय सामुदायिक विद्यालयमा पढाई र नतिजालाई लिएर बिभिन्न टिकाटिप्पणी भइरहेका छन् । यस्तोमा झापा दमकको सबैभन्दा बढी विद्यार्थी भएको एक सामुदायिक विद्यालय हिमालय माविले भने त्यो भ्रमलाई चिर्ने प्रयास गरेको छ ।
भर्खरै सम्पन्न माध्यमिक परीक्षा एसईईमा विद्यालयले ९१ प्रतिशत नतिजा प्राप्त गरेको छ । विद्यालयका तर्फबाट सहभागि भएका ३४१ जना विद्यार्थीहरुमध्ये ३१० जना विद्यार्थी उतिर्ण भएका हुन् । तीमध्ये २ जनाले ४ जीपीए, ५० जनाले ३.६ ए प्लस, १०२ जनाले ए, ११९ जनाले बी प्लस, ३६ जनाले सी प्लस र १ जनाले सी ग्रेड प्राप्त गरेका हुन् ।
विद्यालयका प्रध्यानाध्यापक द्रोण श्रेष्ठले विद्यालयको अथक प्रयास र विद्यार्थीहरुको मेहनतले यो नतिजा हासिल गरेको बताउनुभयो । दुई वर्ष अघिसम्मको एसईईमा हिमालयले शत प्रतिशत नतिजा निकाल्ने गरेको थियो ।
नगरमा नै रहेका सस्थागत विद्यालयमा समेत उत्कृष्ट नतिजा प्राप्त नहुँदा सामुदायिक विद्यालयको यो नतिजालाई सकारात्मक रुपमा लिइएको छ ।
