दमक
मेची महाकाली संयुक बुहारी आवाज दमक नगर कमिटीले आयोजना गरेको पाचदिने वाककला तालिमको समापन भएको छ । फागुन १० गते देखि सुरु भएको तालिमको शनिबार समापन गरिएको हो । तालिममा महिलाहरुलाई भिडमा कसरी बोल्ने, मन्चमा भाषण गर्दा वा कार्यक्रम संचालन गर्दा केके कुरामा ध्यान दिने लगायतका बारेमा सिकाईएको थियो ।
प्रशिक्षक मन्जरी घिमिरेले यसबारेमा पाच दिनसम्म सैद्धान्तिक र प्रयोगात्मक शैलीमा प्रशिक्षण गराउनु भएको थियो । तालिममा मेची महाकाली संयुक बुहारी आवाजमा आवद्ध ३० जना महिलाहरुको सहभागीता रहेको थियो । महिलाहरुलाई बोल्ने शैलिको बिकास गराउन यसप्रकारको तालिमको आयोजना गरिएको संयोजक जमुना निरौला अधिकारीले जानकारी दिनु भयो ।
।कार्यक्रमको प्रमुख अतिथि दमक नगरपालिकाकि उप प्रमुख गीता अधिकारी रहनु भएको थियो भने कार्यक्रम नगर कमिटीकि सचिव रिना राई चेम्जोङले संचालन गर्नु भएको थियो ।
