दमक, २२ पुष । दमक ९ मा रहेको सरस्वती माद्यमीक विद्यालयले आधुनीक तरकारी बजार बनाएर विद्यालयको स्थाई आम्दानीको श्रोत बनाउने भएको छ ।
दमक ८ मा रहेको विद्यालयको खाली जमिनमा चार तले अत्याधुनीक तरकारी बजार बनाउने गरी त्यसको डि पि आर समेत निर्माण गरीसकेको विद्यालय व्यवस्थापन समितीका अध्यक्ष रेवतराज पुरी गगनले जानकारी दिनुभयो ।
प्रयोगविहिन रहेको विद्यालयको खाली जमिनमा स्थाई आम्दानी समेत हुने र सो आम्दानीबाट विद्यालयको शैक्षिक सुधारमा खर्च गर्ने उद्धेस्य सहित यो आधुनीक तरकारी बजार स्थापना गर्न लागीएको पुरीको भनाई छ ।
करिव १५ करोड लागतमा बन्न लागेको यो तरकारी बजार चार तलाको हुने छ । तरकारी, फलफूल, माछा र मासुकालागि छुट्टा छुट्टै बिक्रि केन्द्र स्थापना हुने छ । हरेक तलामा बेग्ला बेग्लै चिस्यान केन्द्र सहित निर्माण हुने भएकोले यसलाई आधुनीक तरकारी बजारको रुपमा विकास गराउने उद्धेस्य विद्यालयको छ ।
विद्यालयले तयार पारेको डिपिआरका आधारमा स्थानीय , प्रदेश र संघीय सरकारकासग समन्वय गरी यो परियोजना सम्पन्न गर्ने लक्ष्य राखीएको विद्यालयका प्रधानाध्यापक सिताराम ढकालल बताउनु भयो ।
