बागलुङ,१८ कार्तीक । राष्ट्रिय स्वतन्त्र पार्टी (रास्वपा) का नेता अमर खड्काको घरमा जुवातास खेलि रहेको अवस्थामा प्रहरीले नौ जनालाई पक्राउ गरेको छ।बागलुङ बजारमा जुवातास खेल भइरहेको गोप्य सूचनाका आधारमा प्रहरी टोलीले छापा मार्दा खड्का सहित नौ जना पक्राउ पर्नु भएको छ। उहाँहरूको साथबाट एक लाख ६४ हजार ९२५ रुपैयाँ नगद बरामद भएको प्रहरीले जनाएको छ।प्रहरी निरीक्षक चिरञ्जीवी अधिकारीको नेतृत्वमा खटिएको टोलीले जुवाखालमा छापा मारेको थियो। पक्राउ पर्नेमा बागलुङ नगरपालिका–२ का ४२ वर्षीय चिरञ्जीवी शर्मा, ६३ वर्षीय रिपोर्ट जिसी, ५० वर्षीय दुर्गाबहादुर खत्री र ३५ वर्षीय हरि शर्मा हुनुन्छ।
त्यस्तै, बागलुङ नगरपालिका–३ का ६६ वर्षीय भीमबहादुर खत्री र ६६ वर्षीय डम्मरबहादुर भण्डारी, वडा नम्बर १ का ५५ वर्षीय राजु गौतम तथा वडा नम्बर ८ का ५६ वर्षीय केशव पराजुली पनि पक्राउ पर्नु भएको छ।पक्राउ परेकामध्ये नेता, वकिल र स्वास्थ्यकर्मीसमेत रहेको जनाइएको छ। उहाँहरूमाथि प्रहरीले थप अनुसन्धान गरिरहेको छ।खड्का यसअघि नेपाली कांग्रेसमा आबद्ध हुनुन्थ्यो। प्रतिनिधिसभा निर्वाचनअघि कांग्रेस छाडेर रास्वपा प्रवेश गर्नु भएको उहाँ बागलुङ नगरपालिकाका पार्टी सभापति हुनुन्छ।
