काठमान्डौं ,११ साउन । त्रिभुवन विश्वविद्यालय व्यवस्थापन संकायअन्तर्गतको एमबीएस प्रथम सेमेस्टरको प्रश्नपत्र लिक प्रकरणमा नयाँ खुलासा भएको छ।
प्रहरी अनुसन्धानका क्रममा प्रश्नपत्र लिक गर्ने व्यक्ति सन्दीप सिंह रहेको खुलेको छ। कैलालीको घोडाघोडी नगरपालिका–११ घर भई हाल भक्तपुर बस्दै आएका ३३ वर्षीय सिंहलाई प्रहरीले पक्राउ गरेको हो।
प्रहरीका अनुसार सिंहमाथि एमबीएस प्रथम सेमेस्टरको प्रश्नपत्र बाहिर ल्याएको आरोपमा अनुसन्धान भइरहेको छ। प्रश्नपत्र कसरी बाहिरियो, त्यसमा अरू को–को संलग्न छन् भन्ने विषयमा थप अनुसन्धान जारी रहेको बताइएको छ।
विद्यार्थीको भविष्यसँग जोडिएको परीक्षाको प्रश्नपत्र नै बाहिरिएपछि त्रिभुवन विश्वविद्यालयको परीक्षा प्रणालीमाथि गम्भीर प्रश्न उठेको छ। निष्पक्ष परीक्षा र शैक्षिक विश्वसनीयता कायम गर्न दोषीमाथि कडा कारबाही हुनुपर्ने माग उठिरहेको छ।
