सुनसरी, ११ असोज । सप्तकोशी नदीमा पछिल्लो २४ घण्टायता पानीको बहाव निरन्तर घटिरहेको छ। कोशी ब्यारेजमा २४ घण्टा अघिको तुलनामा अहिले पानीको बहाव १ लाख ७ हजार ७१० क्युसेकले घटेको छ।
उपलब्ध पछिल्लो विवरणअनुसार आज दिउँसो ४ बजेर १५ मिनेटमा कोशी ब्यारेजमा पानीको बहाव २ लाख ९ हजार ८५ क्युसेक मापन भएको छ। पानीको अवस्था अहिले स्थिर अर्थात् ठीक ठाक रहेको जनाइएको छ। ब्यारेजका २५ वटा ढोका खुला छन् र जोखिमको अवस्था भने खतरामै रहेको छ।
यसअघि आज बिहान ९ बजे पानीको बहाव २ लाख २३ हजार ३५० क्युसेक थियो। अर्थात् पछिल्लो ७ घण्टामा मात्रै बहाव १४ हजार २६५ क्युसेकले घटेको छ। बिहानको अपडेटमा पानीको वहाव घट्दो रहेको थियो भने अहिले ठीक ठाक देखिएको छ।
त्यसको २४ घण्टा अघिको अवस्था भने निकै फरक थियो। त्यसबेला कोशी ब्यारेजमा पानीको बहाव ३ लाख १६ हजार ७९५ क्युसेक पुगेको थियो। पानीको प्रवृत्ति बढ्दो अर्थात् र अवस्था अत्यन्त जोखिमपूर्ण थियो। त्यतिबेला ब्यारेजका ४३ वटा ढोका खोलिएका थिए।
यसरी हेर्दा २४ घण्टामा कोशीको बहाव ३ लाख १६ हजार ७९५ क्युसेकबाट घटेर २ लाख ९ हजार ८५ क्युसेकमा आइपुगेको हो। अर्थात् कुल बहावमा करिब ३४ प्रतिशत कमी आएको छ। ढोका खोलिएको संख्या पनि ४३ बाट घटेर २५ मा आएको छ।
