दमक २० भदौ | दमकमा आज दिउँसो २ बजेदेखि सुरु हुने रथयात्रालाई लक्षित गर्दै दमक उद्योग वाणिज्य संघले सरसफाइमा विशेष ध्यान दिन श्रद्धालु भक्तजन तथा उपस्थित महानुभावहरूलाई आग्रह गरेको छ।
संघका अध्यक्ष गोपाल गुरागाईले रथयात्रामा सहभागी सबैलाई नजिकैका स्थानमा व्यवस्था गरिएका निःशुल्क शौचालय प्रयोग गर्न अनुरोध गर्नुभएको छ।
ती शौचालयमा आवश्यक संकेत तथा सूचना राखिएको जनाइएको छ। ती स्थानबारे जानकारी दिन संघले जिम्मेवार ब्यक्तिहरुसमेत खटाएको छ ।
रथयात्राको पुर्वसन्ध्यामा आज बिहानै संघका प्रथम उपाध्यक्ष रुवल अधिकारी , द्वितीय उपाध्यक्ष टिकाराम खतिवडा , अन्य कार्यसमिति सदस्य , जेसिज दमकका अध्यक्ष राजेन्द्र विमली समेतको टोली ठाउँ ठाउमा पुगेर निरीक्षण गरेको छ ।
आफूले प्रयोग गर्ने स्थान सफा राख्ने, फोहोर जथाभावी नफाल्ने र अरूलाई समेत सरसफाइका लागि प्रेरित गर्ने कार्यमा सबैले सहयोग गर्न संघले आग्रह गरेको छ।
