दमक/
गत बैशाख १ गतेबाट प्रदर्शनमा आएका दुई चलचचित्र हेर्न दर्शकको खाँचो हलहरुमा छैन । नेपाली चलचित्र ए मेरो हजुर र दक्षिण भारतको चलिचित्र केजिएफ च्याप्टर २ एकै साथ प्रर्दशनमा आउँदा नेपाली चलचित्रचाहि नचल्ने हो कि भन्ने चिन्ता थियो । तर अहिलेको परिस्थिती त्यस्तो छैन । हलहरुमा नेपाली चलचित्र हेर्ने दर्शकको पनि सँधै हाउँसफूल हुने गरेको छ ।
दमकमा रहेको डि म्याक्स हलमा दुवै चलिचित्र प्रदर्शन भइरहेको छ । साना र ठुला गरि दुईवटा पर्दा भएको यो हलमा ए मेरो हजुर ४ र केजि एफ च्याप्टर २ एकैसाथ प्रदर्शन हुन्छ ।
प्रदर्शन भएको आज तीन दिन बितक्सिदा दुवै चलचित्र हेर्ने दशर्ककले हल भरिएको हलका सञ्चालक रेवत बस्नेतले जानकारी दिनुभयो । उज्यालोसँगको संक्षीप्त कुराकानीमा उहाँले भन्नु भयो ‘केजिएफका कारण ए मेरो हजुर चल्दैनकि भन्ने लागेको थियो तर अहिले सम्म हलभित्रका सिट कुनैपनि खाली राख्नु परेको छैन । ’
यहाँ अहिले नेपाली चलिचित्र ए मेरो हजुर दिनमा ३ पटक प्रदर्शन हुन्छ । भने केजीएफ चाँही दिनमा ६ पटक सम्म प्रर्दशन हुन्छ । केजिएफ हेर्न आउनेहरुले टिकट अग्रीम काट्ने गरेका छन् ।
आज आएर आजैको टिकट पाउँन सक्ने स्थिती नरहेको बस्नेतले सुनाउनु भयो । तर ए मेरो हजुरमा अग्रीम टिकट काटेर पालो पर्खेर हेर्न नपर्ने उहाँले जानकारी दिनुभयो । आउने बित्तीकै टिकट पाउन सकिने छ ।
यहाँ रहेका दुईवटा पर्दा मध्येमा पहिलोमा केजीएफ प्रर्दशन हुन्छ । यो हलको सिट क्षमता २०४ जनाको हो । ए मेरो हजुर प्रर्दशन हुने दोस्रो पर्दामा एक पटकमा १ सय ३० जना सम्म बसेर हेर्न सकिने छ ।
