चाडपर्व लक्षित गर्दै वेस्टर्न युनियनको ‘यो दशैँ म छु सँगै’ ग्राहक योजना सार्वजनिक

काठमाडौं , असोज १५। वेस्टर्न युनियनले दशैँ, तिहार तथा छठ पर्वलाई लक्षित गर्दै ‘यो दशैँ म छु सँगै’ नामक नयाँ ग्राहक योजना सार्वजनिक गरेको छ ।वैदेशिक रोजगारी तथा अध्ययनका क्रममा परिवारबाट टाढा रहेका नेपालीलाई लक्षित गर्दै कम्पनीले उक्त अभियान ल्याएको जनाएको छ । अभियान अक्टोबर २ देखि नोभेम्बर २७, २०२६ अर्थात् असोज १६ देखि मंसिर ११ गतेसम्म ८ हप्तासम्म सञ्चालन हुनेछ ।अभियानअन्तर्गत प्रत्येक साता लक्की ड्रमार्फत ७ जना विजेता छनोट गरिनेछ । विजेताले जनही १५ हजार रुपैयाँ प्राप्त गर्नेछन् । त्यस्तै, अभियानको अन्त्यमा एक जना भाग्यशाली विजेताले ५ लाख रुपैयाँको ग्रान्ड बम्पर पुरस्कार प्राप्त गर्ने कम्पनीले जनाएको छ ।

अभियानमा सहभागी हुन ग्राहकले छुट्टै फारम भर्नुपर्ने छैन । अभियान अवधिमा गरिएको प्रत्येक कारोबारसँगै ग्राहक स्वतः लक्की ड्रमा सहभागी हुने व्यवस्था गरिएको छ । नेपालभरका वेस्टर्न युनियनका प्रमुख एजेन्टहरू एटिटी रेमिट, सीजी फिन्को, हुलास रेमिट्यान्स, नबिल बैंक र सूर्य रेमिटमार्फत यो अभियान सञ्चालन हुने कम्पनीले जनाएको छ ।वेस्टर्न युनियनले नेपालको पहिलो रेमिट्यान्स सेवा प्रदायकका रुपमा विगत २९ वर्षभन्दा बढी समयदेखि रेमिट्यान्स सेवा दिँदै आएको छ । कम्पनीले २०० भन्दा बढी देश तथा क्षेत्रबाट नेपालमा रकम स्थानान्तरण सेवा उपलब्ध गराउँदै आएको जनाएको छ ।